ماہنامہ انوار مدینہ لاہور دسمبر 2003 |
اكستان |
 |
مسائل سُنے گے آپ ، تو سُننے کے بعد اس کا حل کیاہے؟ حل یہ ہے کہ آپ اُن کے پاس جاکر اُن لوگوں کو تسلی دیں تشفی دی اور اُن کی مدد کا انتظام کرائیں وہاںپر ۔وہاں کے مسلمانوں کو آس پاس کے متمول لوگوں کو توجہ دلائیں اور اپنی این جی اوز قائم کریں ان کے مقابلے میں، آپ اُن سے کہیں ہم تمہاری ضرورت پُوری کرتے ہیں تمہیں دوا چاہیے ہم دیں گے تمہیںکھانا چاہیے ہم دیں گے آپ اس کے منہ میں نوالہ دیں پھر آپ جو بات کہیں گے وہ سنے گا آپ کی بات ،آپ اُسے دوا فراہم کریں پھر آپ جوبات اُسے کہیں گے وہ آپ کی بات سُنے گا، اس کے بغیر اگر کریںگے تو ہم وہاں فیل ہو جائیں گے اور وہ کافروں کی جو این جی اوز ہیں وہ آگے بڑھ جائیں گی وہ جگہ لے لیں گی ۔ دجالی فتنہ کا ایک واقعہ : ایک دفعہ بنگلہ دیش میں اسی طرح ہوا کہ ایک آدمی کو مدد دی اُنہوں نے اور اُس سے کلماتِ کفر کہلائے حضرت عیسیٰ علیہ السلام کے بارے میں اور نبی علیہ السلام کے بارے میں ۔بہت سے واقعات حضرت مولانا سیّد اسعدصاحب مدنی دامت برکاتہم تشریف لائے تھے توانہوںنے سُنائے تھے، وہی سُنے ہوئے میں آپ کوبتا رہا ہوں تو اُس نے یہ کیا کہ زبان سے کہہ دیتا تھا مگر دل میںایمان تھا اور جاکر لے آتا تھا اور بالکل چھپ کر نماز اور عبادت کرتا تھاتاکہ پتا نہ چلے ورنہ تو راشن بند ہوجائے گااور کوئی ہے نہیں مدد کرنے والا ،کھاناتو کھانا ہے اور انسان خود تکلیف اُٹھا لیتا ہے مگر اپنے بچوں کو تڑپتا ہوا نہیں دیکھ سکتا بیوی کو نہیں دیکھ سکتا بہنیں ہیں ماں ہے اُن کی وجہ سے مجبور ہوجاتا ہے چھوٹے چھوٹے بچے بلک رہے ہیں خود پتھر باندھ لے گا انھیں کیسے پتھر باندھے گا تو اُ س کی کسی نے رپورٹ دے دی این جی اوز والوں کو کہ یہ اُوپر اُوپر سے ایسا کافر بناہوا ہے یہ ہے مسلمان پیسے لینے اور امدادکے لیے آتا ہے انھوں کہا اچھا ،تو پھر جب وہ آیا تو اُس کو انھوں نے کہا تو تو ہم سے جھوٹ بولتاہے اور توایسے ہی عیسائی بنا ہوا ہے تو تو مسلمان ہے اُس نے پھر کہا اور یقین دلایا سب کچھ کیا ۔اُنہوں نے کہا نہیں ہم تب مانیں گے کہ یہ قرآن زمین پر رکھ کر اس پر تو کھڑا ہو تو اُس کو جب انھوں نے اس طرح کرایا تو پھر اُسے آگے کچھ دیا ورنہ نہیں دیا ۔تو مسلمانوں کے ساتھ یہ کچھ ہو رہا ہے اِس وقت۔ سندھ اور پنجاب : سندھ میں یہ کچھ ہو رہا ہے پنجاب کے جو پسماندہ علاقے ہیں اُن میں بھی ہو رہاہے ۔پنجاب کے پسماندہ علاقوں میں انھوں نے کیمپ لگائے ہیں اور اُن میں وہ نوجوانوں کو بُلانے کے لیے شراب کی ،ڈانس کی مجلسیں کرتے ہیں اور نوجوان شوق سے جاتے ہیں ۔اور یہ ایسا فتنہ ہے کہ اس میں بھوکا کیا کھاتا پیتا بھی جاتا ہے سارے جارہے ہیں اس میں،بھوکے بھی جارہے ہیں کہ کھانے کو مل جائے گا پیٹ بھر ا ہوا بھی جارہا ہے کہ عیاشی کو مل رہا ہے سارا کچھ، تو سارے