ماہنامہ انوار مدینہ لاہور دسمبر 2003 |
اكستان |
 |
اللہ نے جو ایک فطری عادت بنارکھی ہے اُس سے ہٹ کر کام نہیں کرتے اُسی کے مطابق لگے ہوئے ہیں اور انسان کے لیے جومشن دیا اور جو مقصد رکھا یہ چونکہ اُس سے ہٹ گیا تویہ اُس سے بھی گیا گزرا ہوگیا ۔وماخلقت الجن والانس الا لیعبدون میںنے انسان اور جنات کو صرف اپنی عبادت کے لیے پیدا کیا کہ یہ میری عبادت کریں اور جب سارے کام مذہب کی رہنمائی میں ہوں گے تووہ سارے ہی کام عبادت بن جائیں گے ۔آپ کا چلنا پھرنا اُٹھنا بیٹھنا سونا جاگنا ہرچیز عبادت بن جاتاہے اگر یہ نبی علیہ الصلوة والسلام کی سنت کی پروی میں ہو اس کی نقل ہو تو ا یسے ہے جیسے نماز پڑھ رہے ہیں ہر وقت ،اور جانوروں کے بارے میں پرند کے بارے میں سب کے بارے میں ہے کل قدعلم صلوتہ وتسبیحہ ہر ایک کو ہم نے اُس کی صلوة اور اُس کی تسبیح سکھائی ہے جانتا ہے ہر ایک ، اپنی تسبیح اورصلوة کو ہر چیز جانتی ہے، مگر انسان فراموش کر جاتاہے اس لیے انسان اگر بھٹک جائے تو ا ُن سے بھی گیا گزرا ہوتاہے کیونکہ وہ فراموش نہیں کرتے اور انسان فراموش کرتاہے ۔وھدیناہ النجدین ہم نے اس (انسان)کو دونوں راستے سکھلادیے بتا دیے ، ہدایت کا راستہ بھی اور گمراہی کا راستہ بھی۔اس (ہدایت کے راستہ) پر جائو گے تو جنت میں چلے جائو گے۔ جنت کیاہے ؟ : جنت کیا چیزہے؟ جنت ویسے تو اُردو میں اس کا ترجمہ باغ ہے جس میں درخت ہوں پھول ہوں گھاس ہو خوشنما مناظرہوں یہ باغ ہے تو یہ تو حاصل ہو نا کوئی بڑی بات نہیں ہے یہ توموجود ہیں ہمارے دائیں بائیں بے شمار دُنیا میں بڑے بڑے خوبصورت باغ موجود ہیں پھر کیا مطلب، کیا خصوصیت ہے اس جنت کے لفظ کی؟ اس کو ذکر کرنے کی خصوصیت یہ ہے کہ جنت ایسی جگہ کا نام ہے کہ جہاں اللہ تعالیٰ اپنے بندوں پر اپنی کامل رضا کا اعلان کردیں گے کہ آج میں تم سے راضی ہوں اور ہمیشہ کے لیے ہوں یہ اُن کو نوید سُنائی جائے گی یہ ہے جنت ،اس لیے یہ اہم ہوگئی اور اس کی طلب مقصود بن گئی کہ چونکہ یہ ایسی جگہ کا نام ہے جو اللہ تعالیٰ کی رضا کا مظہر اتم ہے یعنی اس میں اس کی رضا بڑھتی چلی جائے گی ،ہر لمحے رضا میں اضافہ ہوگا ہر لمحے اُس کا قرب بڑھے گا تو ایسی جگہ کا نام ہے جنت۔ جہنم کیا ہے : اور جہنم والعیاذباللہ ایسی جگہ کا نام ہے جہاں اللہ تعالیٰ کاغصہ اور غضب ظاہر ہوگا وہ اُس کے غصہ اور غضب کا مظہر اتم ہوگا ۔ علماء اور طلباء پر کیا لازم ہے : اچھے لوگ جنت میں جائیں گے ،جن سے اللہ ناراض ہوگا وہ جہنم میں چلے جائیں گے اس لیے آپ حضرات جو