ماہنامہ انوار مدینہ لاہور دسمبر 2003 |
اكستان |
|
الوداعی خطاب جامعہ مدنیہ جدید میں ٢٥ شعبان المعظم کو صبح گیارہ بجے حضرت مولانا سیّد محمود میاںصاحب نے دورہ ٔ صرف ونحو کے تقریباً ٥٠٠ طلباء سے الوداعی خطاب کیا، اس کی افادیت کے پیش ِ نظراسے شائع کیا جا رہا ہے، قارئین ِکرام یہ خطاب ملاحظہ فرمائیں ۔ (ادارہ) الحمد للّٰہ رب العالمین والصلٰوة والسلام علی خیر خلقہ سیدنا ومولانا محمد وآلہ واصحابہ اجمعین اما بعد! ان الذین فتنوا المؤمنین والمؤمنٰت ثم لم یتوبوا فلہم عذاب جہنم ولھم عذاب الحریق o ان الذین اٰمنوا وعملوا الصلحٰت لہم جنت تجری من تحتھا الانہٰر ذٰلک الفوز الکبیر۔(سورہ بروج آیت ١٠۔١١) ترجمہ : بے شک جو دین سے پھسلائے ایمان والے مردوں کو اور عورتوں کو پھر تو بہ نہ کی توان کے لیے عذاب ہے دوزخ کا اور ان کے لیے عذاب ہے جلنے کا ،بے شک جو لوگ یقین لائے اور بھلے کام کیے ان کے لیے باغ ہیں جن کے نیچے بہتی ہیں نہریں ،یہ بڑی کامیابی ہے۔ علمائے کرام اور میرے عزیز طلباء کرام! کل جمعرات کو آپ کا جامعہ مدنیہ جدید میں دورہ صَرف ونحو کا اختتامی دن ہے ۔شعبان کے مہینے میں آپ حضرات نے تعلیم میں مشغول ر ہ کر گزارا،اور بہت سے طلباء کی طرح یہ وقت سیرو تفریح اور کھیل کود میں بھی آپ گزار سکتے تھے لیکن یہ اللہ کی توفیق سمجھنی چاہیے اور اس کاخصوصی انعام سمجھنا چاہیے کہ اللہ تعالیٰ نے پڑھانے والوں کوپڑھانے کی اور پڑھنے والوں کو پڑھنے کی توفیق عطا فرمائی اللہ تعالیٰ اس کو قبول فرمائے ۔آپ حضرات کا دینی تعلیم حاصل کرنا اور اس کے لیے گھر بار کو چھوڑنا یہ بہت بڑی سعادت ہے اس پر اللہ تعالیٰ کا جتنا بھی شکر ادا کیا جائے کم ہے سای ترقی اور سارے زمین کے اور فضاء کے وسائل اور اسباب حاصل ہونے کے باوجود اگر اسلام اور مذہب کی رہنمائی کی روشنی میں انسان عمل نہ کرے تو اس میں اور جانوروں میں فرق نہیں ہوتا۔ امتیازی شان نبی علیہ السلام کی پیروی سے حاصل ہوتی ہے : امتیازی شان ،مرتبہ کی بلندی، دُنیا اور آخرت کی فلاح اور اشرف المخلوقات ہونے کاا عزاز وہ نبی آخرالزماں حضرت محمد ۖ کی پیروی کے علاوہ کسی صورت میں نہیں مل سکتا۔ کتنے باکمال اور بااختیار اور بااقتدار ہم ہوجائیں اگر اس کی رہنمائی اور روشنی نہ ہو تو سب بیکارہے اور ایسے لوگوں کے بارے میں قرآن نے اعلان کیا اولئک کا لانعام بل ہم اضل یہ لوگ جانوروں چوپایوںکی مانند ہیں بلکہ اُن سے بھی گئے گزرے ہیں کیونکہ چوپائے اور جانور چرند اور پرند کی