الی القبلة واومیٔ جاز]٣١٣[ (٥) فان لم یستطع الایماء برأسہ اخر الصلوة ولا یومیٔ بعینیہ ولا بقلبہ ولا بحاجبیہ ]٣١٤[(٦) فان قدر علی القیام ولم یقدر علی الرکوع والسجود لم یلزمہ القیام وجاز ان یصلی قاعدا یومیٔ ایماء ]٣١٥[(٧) فان صلی الصحیح بعض صلوتہ قائما ثم حدث بہ مرض اتمھا قاعدا یرکع ویسجد ویومیٔ ایماء ان
پاؤں کرے۔
فائدہ امام شافعی کے نزدیک یہی ہے کہ دائیں پہلو کے بل لیٹ کر نماز پڑھے اور وہ نہ کر سکتا ہو تو لیٹ کر قبلہ رخ پاؤں کرے۔ ان کی دلیل یہی دونوں احادیث ہیں۔ لغت استلقی : چت لیٹا، قفا : گدی۔
]٣١٣(٥)پس اگر سر سے اشارہ کرنے کی طاقت نہ ہو تو نماز مؤخر ہو جائے گی ،اور نہ اشارہ کرے اپنی آنکھوں سے اور نہ دل سے اور نہ بھؤوں سے تشریح اگر سر سے بھی اشارہ کرنے کی طاقت نہ ہو تو نماز مؤخر ہوگی ۔چونکہ عقل دماغ موجود ہے اس لئے شریعت کا خطاب اس پر موجود ہے اس لئے نماز لازم ہوگی ۔البتہ مؤخر کرکے نماز پڑھے گا۔
وجہ مسئلہ نمبر ٤ کی حدیث سے معلوم ہوا کہ سر سے اشارہ کرے گا۔اور سر سے اشارہ نہ کر سکے تو نماز مؤخر ہو جائے گی۔
لغت بحاجبیہ : دونوں بھؤوں سے۔
]٣١٤[(٦) اگر کھڑے ہونے پر قدرت رکھتا ہو لیکن رکوع اور سجدے پر قدرت نہ رکھتا ہو تو اس کو کھڑا ہونا لازم نہیں ہے۔اور اس کے لئے جائز ہے کہ بیٹھ کر اشارہ سے نماز پڑھے۔
تشریح ایک آدمی کھڑا تو ہو سکتا ہے لیکن پیٹھ میں درد کی وجہ سے رکوع سجدہ نہیں کر سکتا تو اس کے لئے کھڑا ہونا ضروری نہیں ہے۔ وہ بیٹھ کر رکوع اور سجدے کا اشارہ کرکے نماز پڑھے۔
وجہ اس کی وجہ یہ ہے کہ کھڑا ہونا اس لئے تھا تا کہ صحیح طور پر رکوع اور سجدہ کر سکے۔لیکن جب رکوع اور سجدہ ہی نہیں کر سکا تو کھڑا ہونا جو فرض تھا اس سے ساقط ہو جائے گا۔اب چاہے تو کھڑا ہو چاہے تو بیٹھ کر اشارہ سے نماز پڑھے۔
]٣١٥[(٧)پس اگر تندرست آدمی نے بعض نماز کھڑے ہو کر پڑھی پھر اس کو مرض پیدا ہوا تو اس کو پوری کرے گا بیٹھ کرکے،رکوع کریگا اور سجدہ کریگا،اور اشارہ کرے گا اگر رکوع اور سجدے پر طاقت نہ رکھتا ہو۔یا چت لیٹے گا اگر بیٹھنے کی طاقت نہ رکھتا ہو۔
وجہ مسئلہ نمبر ١ میں بخاری کی حدیث گزر چکی ہے کہ کھڑے ہونے کی طاقت نہ رکھتا ہو تو پہلو کے بل لیٹ کر نماز پڑھے۔اور یہ بھی گزرا کہ رکوع اور سجدہ نہ کر سکتا ہو تو اشارہ سے نماز پڑھے گا (٢) آیت میں گزرا کہ مریض پر کوئی حرج نہیں ہے۔جتنے پر قدرت ہوگی اتنا ہی کرے گا۔ اس لئے کھڑے ہو کر نماز پڑھ رہا تھا اور درمیان میں زیادہ بیمار ہو گیا اور بیٹھ گیا تو ادنی کو اعلی پر بنا کیا اس لئے جائز ہے۔اور رکوع سجدہ نہ کر سکا تو اشارہ سے نماز پڑھے گا۔
