١ وقال الشاافعی بغروب الشمس فی الیوم الاخیر من رمضان حتی ان من اسلم او ولد لیلة الفطرتجب فطرتہ عندنا وعندہ لا تجب ٢ وعلیٰ عکسہ من مات فیہا من مما لیکہ اوولدہ
الفطر کے وجوب کا سبب بنے گا۔ اس لئے عید کے دن صبح صادق کا وقت صدقة الفطر کے وجوب کا سبب بنے گا۔(٢)امام ابوحنیفہ کا استدلال اس حدیث کے اشارے سے ہے۔عن ابن عمر قال فرض رسول اللہ ۖ زکوة الفطرصاعا من تمر ... وامر بھا ان تؤدی قبل خروج الناس الی الصلوة(بخاری شریف، باب فرض صدقة الفطر،ص ٢٠٤، نمبر ١٥٠٣) اس حدیث میں عید کی نماز سے پہلے صدقة الفطر نکالنے کا حکم دیا۔جس سے اشارہ ہوتا ہے کہ اس سے قریب کا وقت یعنی صبح صادق اس کے نکالنے کا سبب ہے۔
ترجمہ: ١ امام شافعی نے فر ما یا رمضان کے آخیر دن کے سورج غروب ہو نے سے فطرہ واجب ہو گا ۔ یہاں تک کہ کوئی عید الفطر کی رات میں مسلمان ہوا یا بچہ پیدا ہوا تو ہمارے نزدیک اس کا صدقہ واجب ہو گا ، اور امام شافعی کے نزدیک نہیں ہو گا ۔
تشریح : امام شافعی نے فر ما یا کہ رمضان کے آخری دن جب سورج غروب ہو گا ، اور عید الفطر کی مغرب ہو گی ، پس یہ مغرب کا وقت فطرہ واجب ہو نے کا سبب ہے ، چنانچہ جو آدمی اس مغرب سے پہلے پیدا ہوا یا مسلمان ہوا اس کا فطرہ واجب ہے ، اور جو آدمی مغرب کے بعد پیدا پیداہوا یا مسلمان ہوا تو چونکہ واجب ہو نے کا وقت گزر گیا اس لئے اس پر فطرہ واجب نہیں ہو گا ۔۔ اور امام ابو حنیفہ کے نزدیک مغرب کا وقت فطرہ کے واجب ہو نے کا سبب نہیں ہے ، بلکہ اس کے بارہ گھنٹے بعد صبح صادق کا وقت فطرہ کے واجب ہو نے کا سبب ہے ، اور اس سے پہلے یہ پیدا ہو چکا ہے ، یا مسلمان ہو چکا ہے ، کیونکہ یہ مغرب کے بعد اور صبح صادق سے پہلے پیدا ہو چکا ہے یا مسلمان ہو چکا ہے ا س لئے ان دو نوں پر صدقہ واجب ہے ۔ مو سوعہ میں عبارت یہ ہے ۔ و اذا غابت الشمس من لیلة الفطر ثم ولد بینھم أو صار واحد منھم فی عیالہ لم تجب علیہ زکاة الفطر من عامہ ذالک عنہ ، و کان فی سقوط زکاة الفطر عنہ کالمال یملکہ بعد الحول ۔ ( مو سوعہ امام شافعی ، باب زکوة الفطر ، ج رابع ، ص ٢٣٢، نمبر ٤٤٧٤) اس عبارت میں ہے کہ عید الفطر کا سورج غروب ہو گیا تو غروب ہو تے وقت جو مو جود ہے اس کا فطرہ واجب ہے ، جس کا مطلب یہ ہے ہوا کہ سورج کا غروب ہو نا فطرہ کا سبب ہے
وجہ :وہ فرماتے ہیں کہ اسی مغرب کے وقت ہی سے افطار شروع ہوگیا ہے اس لئے مغرب کا وقت ہی سبب بنے گا۔ ہماراجواب یہ ہے کہ مغرب کے وقت تو ہمیشہ ہی افطار کا تھا اس لئے صبح صادق کا وقت صدقة الفطر واجب ہونے کا سبب بنے گا۔
ترجمہ: ٢ اور اس کا الٹا حکم ہو گاجو اسکے مملوک یا اولاد میں سے رات میں مر گیا ۔
تشریح : صبح صادق سے پہلے اور مغرب کے بعد رات میں کسی آدمی کا مملوک مر گیا ، یا اسکی چھوٹی اولاد مر گئی تو حکم پہلے سے الٹا ہو