ماہنامہ الحق ستمبر 2017 ء |
امعہ دا |
|
اعلامیہ کل جماعتی کانفرنس : (منعقدہ 28اگست 2017 بمقام : اسلام آباد) جمعیت علماء اسلام پاکستان کے زیراہتمام سیاسی ومذہبی قائدین کی آل پارٹیز کانفرنس میں 1۔ آئین پاکستان بالخصوص اسلامی دفعات کے تحفظ 2۔ پاکستان اور پاکستانی قوم کوامریکی دھمکی جیسے اہم اور نازک مسائل پر غور کیا گیا ۔ کانفرنس میں محب وطن سیاسی و مذہبی قائدین نے شرکت کی اور ان اہم موضوعات پر اظہار خیال کیا تجاویز پیش کیں اور درج ذیل امور پر اتفاق کیا گیا ۔ ٭ آئین پاکستان ایک ایسی دستاویز ہے جو قومی وحدت مسلکی استحکام اور ملی وقار کی علامت ہے اور ملک کی تمام اکائیوں کے درمیان زنجیر کی حیثیت رکھتی ہے۔ ٭ 1973کی پارلیمینٹ اور اس کے تمام معزز اراکین یہ متفقہ آئین دینے پر قوم کی طرف سے خراج تحسین کے مستحق ہیں۔ ٭ دستور میں اب تک کی ترامیم کے ذریعہ قوم کی امنگوں امیدوں اور نظریات کی ترجمانی اور قانون سازی کیلئے بہترین بنیاد فراہم کی گئی ہے ۔صوبائی خودمختاری اور قوم کے حقوق کی پاسداری کی ضمانت آئین میں موجود ہے ٭ کرپشن ، ناانصافی ، لاقانونیت اور اداروں کی توہین آئین پاکستان سے انحراف ہے ۔ ٭ کسی کی ذات اور مخصوص جماعت کے سیاسی مستقبل کے لیے آئین پاکستان میں موجود اسلامی دفعات میں کسی طرح کی تبدیلی کی اجاز ت نہیں دی جا سکتی۔اسلامی دفعات اور آئین پاکستان میں تبدیلی ملک دشمن قوموں کا ایجنڈہ ہے۔ نام نہاد عالمی برادری تحفظ ناموس رسالت ، عقیدہ ختم نبوت قرآن و سنت کی بالا دستی اور شریعت اسلامیہ کے مطابق قانون سازی کی دفعات کو آئین پاکستان سے نکالنے کے لیے مسلسل کوشش کررہی ہے ہم اس کو مسترد کرتے ہیں۔ ٭ ن لیگ عدلیہ اور آئین پاکستان پر خود کش حملہ کرنے جا رہی ہے ۔ ان دونوں کا تحفظ ہماری ذمہ داری ہے اور ہم ہر قیمت پر اس ذمہ داری کو پورا کریں گے ۔اور اس کے لیے قومی قائدین اور تمام مذہبی وسیاسی جماعتوں کے نمائندوں پر مشتمل کمیٹی تشکیل دی جائے گی جو قوم کی ذہن سازی کے لیے بروقت رہنما اصول پیش کرتی رہے گی اور قومی جذبے سے آئین پر پہرہ دیا جائے گا۔ ٭ نون لیگ پانامہ کیس کے فیصلہ کے بعد اداروں کے درمیان تصادم ، سیاسی بحران ملکی عدم استحکام اور قوم کو خانہ جنگی کی طرف دھکیلنے کے راستے پر گامزن ہے ہم اس طرز عمل کی مذمت کرتے ہیں ٭ امریکی صدر کی طرف سے پاکستان افغانستان اور خطے کے لیے نئی پالیسی کا اعلان ملکی خود مختاری اور قومی وقار پر حملہ ہے اور پاکستانی قوم کے ساتھ اعلان جنگ ہے۔ ٭ امریکہ پاکستان کا ازلی دشمن ہے بھارت کو خطے میں بالادست حیثیت دے کر ہماری سالمیت نظریاتی مملکت اور ایٹمی قوت پاکستان اس کی آذادی ،خود مختاری اور سالمیت کو نقصان پہنچانا چاہتا ہے