ماہنامہ الحق ستمبر 2017 ء |
امعہ دا |
|
تھے کہ مختلف مسالک کے حامل لوگ ایک تعریف پرکبھی بھی متفق نہ ہوسکیں گے اوریوں اس مسئلے سے جان چھوٹے گی لیکن ان علماء نے ایک متفقہ تعریف وضع کیااوراس تعریف کی تدوین بھی حضرت شیخ الحدیث صاحبؒ نے کی ہے۔ پھرجب قادیانیت کامسئلہ آپیش ہوااورمرزاقادیانی کے پوتے مرزاناصرکواسمبلی میں بلایاگیاجوچودہ دن تک اپنے آپ کومسلمان ثابت کرنے پرلگارہااوروہ توپورے اسلامی وضع قطع پگڑی داڑھی تسبیح اورخوب بن سنورکے آتاتودین کے حوالے سے یہ سطحی لوگ ایک دوسرے سے کہتے کہ یہ مولوی بھی عجیب مخلوق ہے دیکھواس(خاکم بدہن)مسلمان بندے کوکافربنانے پرتلے ہوئے ہیں یہ توفرشتہ سامعلوم ہوتاہے ۔ایک ممبرنے بیٹھے بیٹھے ساتھی سے یہ بات کہی اوروجہ یہ ہے کہ یہ لوگ توسطحی چیزکوجانتے ہیں دین کوتونہیں جانتے کہ دین ظاہرکانہیں أساسی عقیدے کانام ہے جس کے پھرتقاضے ہیں زندگی کے سارے میدانوں مین اس کی عملیت ہے توقریب دوسرے بندے کویہ پتہ تھاکہ یہ ممبرصاحب باوجودسطحی مسلمان ہونے کے حضرت شیخ الحدیث صاحب سے بہت متاثرہیں اس نے فوراً حضرت کواشارہ کیاکہ یہ توآپ فرشتہ سمجھتے ہیں لیکن شیخ الحدیث صاحب کے متعلق کیاخیال ہے ؟توفرمایاوہ تواس حوالے سے جبرئیل امین ہے توفوراً اس دوسرے ممبرنے کہاتوپھرسنویہ جبرئیل امین کہتاہے کہ یہ آدمی فرشتہ نہیں کافراورغیرمسلم ہے توفوراً اس پہلے والے نے کہاکہ جب حضرت شیخ الحدیث صاحب کہتے ہیں توپھریہ صحیح ہے ۔یعنی حضرت کاکرداراورشخصیت اپنے تواضع ومتانت اوروقارکی وجہ سے ہرکسی کے ہاں مسلم تھے ۔مولانا ہزاروی کا دارالعلوم میں خطاب : مولاناغلام غوث ہزاروی صاحبؒ نے ایک باردارالعلوم کی مسجدمیں ایک انجمن کے جلسے سے خطاب کرتے ہوئے کہاکہ کسی کے تواضع میں شبہ ہوسکتاہے کہ تصنع ہے سوائے حضرت شیخ الحدیث صاحب کے کہ یہ اس کی فطرت ہے اورفرمایااخلاق کے حوالے سے کبھی اس نے کسی کادل نہیں دکھایانہ دکھاناچاہتاہے اورچونکہ آپ تومزاح بہت کرتے تھے توفرمایاکہ حضرت توشیطان کابھی دل نہیں دکھاناچاہتاوہ تواس کے حسن اعمال اورپابندی شریعت سے خوددکھتاہے ورنہ حضرت کاایساکوئی ارادہ نہیں ہوتاآپ تشریف فرماتھے ہنس رہے تھے۔تحریک ختم نبوت اور مولانا سمیع الحق : بہرتقدیرمرزاناصرکاجواب اسکے داداکی کتابوں سے رات بھرمولاناسمیع الحق صاحب اورمولاناتقی عثمانی صاحب ،مجلس تحفظ ختم نبوت کے دیگرعلماء کے ساتھ مل کرمرتب کرتے رہے اوراس نے جب بحث ختم کی تومفتی محمودصاحبؒ اورمولاناعبدالحق صاحب ؒ نے اس کومبہوت کردیاحتی کہ وہ سطحی مسلمان بھی پکاراٹھے تواچھایہ لوگ ہمیں کافراورخنزیر،ذریۃ البغایااورہمارے