ماہنامہ الحق ستمبر 2017 ء |
امعہ دا |
٭ پوری قوم بشمول پاکستان کے عسکری ادارے اور محب وطن سیاسی و مذہبی قیادت امریکی پالیسی کو مسترد کرتی ہے اور واشگاف الفاظ میں واضح کرنا چاہتی ہے کہ ملکی سا لمیت کا تحفظ اپنی جانوں پر کھیل کر لیا جائیگا۔ ٭ اگر امریکہ نے بھارت یا افغانستان کی کٹھ پتلی حکومت کے ذریعہ پاک سرزمین پر اپنے ناپاک قدم رکھنے کی حماقت کی تو اس کا جہادی جذبے سے مقابلہ کیا جائے گا اور امریکی رعونت کو خاک میں ملاکر اس کے وجود کو عبرتناک بنا دیا جائے گا ۔ ٭ امریکی صدر کی طرف سے پاک فوج کو دہشت گردی کے خلاف جنگ میں امریکی امداد دینے کا بیان گمراہ کن ہے۔پاکستان کی زمینی اور فضائی حدود کے استعمال پر عالمی قوانین کے مطابق کرایہ کی ادائیگی امداد نہیں ہے۔ پاک فوج کو کسی غیر ملکی امداد کی ضرورت نہیں ہے۔ ٭ پاکستانی قوم اپنے خون سے پاک فوج کی آبیاری کر رہی ہے اور اس کی ضروریات پوری کرنے کے لیے بڑی سے بڑی قربانی دینے کے لیے تیار ہے۔ ٭ مسلح افواج نے مملکت خداداد پاکستان کی سالمیت وتحفظ کیلئے جو پالیسی طے کر رکھی ہے اسکی مکمل تائید کرتے ہیں ۔ ٭ موجودہ حکومت کی خارجہ پالیسی بالعموم اور امریکی دھمکیوں کے مقابلے میں مجرمانہ خاموشی بالخصوص قومی وقار کے منافی ہے ۔ایک آزاد خودمختار مملکت اور ایک غیرت مند قوم کی ترجمانی کے لیے حکومت کو امریکی بالا دستی سے باہر نکل کر پالیسی ترتیب دینی چاہیے ۔ ٭ چین،روس اور ایران کی طرف سے پاکستان کی غیر مشروط حمایت اور امریکہ کو منہ توڑ جواب دینے پر چینی حکومت کے شکر گزار ہیں اور قتصادی راہداری منصوبے کی تکمیل کللئے نیک خواہشات کا اظہار کرتے ہیں۔ ٭ افغان مہاجرین کی مہمان نوازی کا اعزاز پاکستانی قوم کو حاصل ہے ۔ایک عرصہ پاکستان کی سرزمین پر گزارنے والے افغان مہاجرین اشرف غنی کے افغانستان میں اپنے آپ کو اعتقادی اور جسمانی طور پر غیر محفوظ سمجھتے ہیں ۔حکومت پاکستان اشرف غنی اور امریکہ کے ایماء پر افغان مہاجرین پر پاکستان کی سرزمین تنگ کرنے کی بجائے باوقار اور محفوظ واپسی کے لیے پالیسی مرتب کرے۔ ٭ حافظ محمد سعید کی بے جا نظر بندی کو فی الفور ختم کیا جائے ۔ ٭ شریعت کورٹ آزاد کشمیر کو ختم کر دیا گیا ہے جو ستر سالہ جدوجہد کو ثبوتاز کر دیا گیا، کل جماعتی کانفرنس حکومت آزاد کشمیر کے اس عمل کی شدید مذمت کے ساتھ شریعت کورٹ کو بحال کرنے اور آزاد کشمیر کے دستور میں قادیانیوں کے حوالہ سے دستوری تقاضوں کو ملحوظ رکھ کر قادیانیوں کو مسلم فہرست سے الگ فہرستوں میں شامل کرنے کا مطالبہ کرتی ہے۔ ٭ پنجاب میں مدارس اسلامیہ کے گرد گھیرا تنگ کرنے کیلئے پنجاب حکومت چئیرٹی بل کے نام سے کالا قانون لانے کی کوشش کر رہی ہے اسے مسترد کرتے ہوئے اس کا راستہ روکنے کے لیے پرامن آئینی جدوجہد کا اعلان کرتے ہیں ۔