ماہنامہ انوار مدینہ لاہور ستمبر 2015 |
اكستان |
 |
درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِاِنتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے، اللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) کاموں کی درستگی کا ذریعہ ......... رُجوع اِلی اللہ نجات کا ذریعہ ......... سنت کی پیروی اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! حدیث ِقدسی میں اِرشادہے اِبْنَ آدَمَ تَفَرَّغْ لِعِبَادَتِیْ اَمْلَاْ صَدْرَکَ غِنًی وَاَسُدَّ فَقْرَکَ وَ اِنْ لَّا تَفْعَلْ مَلَاتُ یَدَکَ شُغْلًا وَلَمْ اَسُدَّ فَقْرَکَ ١ اِس حدیث شریف میں باری تعالیٰ نے جنابِ رسول اللہ ۖ کی زبانی بندوں کو اِس اَمر کی طرف توجہ دِلائی کہ اگر وہ خدا کی طرف رُجوع کریں گے تو اُن کے سارے کام ٹھیک ہوجائیں گے تمام کاموں میں برکت ہوگی ورنہ کاموں میں برکت نہ ہوگی اگرچہ بظاہراُس کے سارے کام ٹھیک نظر آتے ہوں گے مگر در حقیقت وہ ہمیشہ پریشان اور حاجت مند رہے گا۔ حدیث شریف کا پہلا فقرہ ہے اِبْنَ آدَمَ تَفَرَّغْ لِعِبَادَتِیْ اے اِنسان ! تو ہماری عبادت کے لیے خالی (فارغ) ہوجا، اِس کا یہ مطلب تو ہے ہی نہیں کہ سارے کام چھوڑ کر ہماری عبادت میں لگ جا کیونکہ خود حضور اَکرم ۖ نے ایسا کبھی نہیں کیا اور نہ ہی صحابہ کرام میں سے کسی کو ایسی تعلیم دی ہے بلکہ ایک دفعہ کچھ صحابہ کرام رضی اللہ تعالیٰ عنہم نے آپس میں بیٹھ کر یہ طے کیا کہ آئندہ ہم دُنیا کے تمام کام چھوڑ کر ١ مشکوة شریف کتاب الرقاق رقم الحدیث ٥١٧٢