ماہنامہ انوار مدینہ لاہور ستمبر 2015 |
اكستان |
 |
تاریخ میں آنے والے مثبت اِنقلابات میں یہ سب سے اہم اورنتائج کے اِعتبار سے سب سے بڑھ کر اِنقلابی اِقدام ہوگا اِس کے معنوی اور مادّی ثمرات اَبرِ رحمت کی طرح ملک کے طول و عرض میں ہرچھوٹے بڑے کو خود بخود سیراب کرتے چلے جائیں گے۔بیگانی زبان دماغ کو اور بیگانہ پانی پیٹ کو کبھی راس نہیں آئے۔ ملک میں اُردو کے نفاذ و رواج کی اِفادیت پاکستان کے ایٹمی قوت بن جانے سے کہیں بڑھ کر ہوگی ایٹمی قوت صرف دُشمن کے منفی اِقدامات کے سامنے ایک رُکاوٹ ہے مگر اپنی قومی زبان کے زور پر قوم کو حاصل ہونے والی صلاحیت و توانائی ایسی زبردست قوت بخشے گی کہ ترقی کی صدیوں میں طے ہونے والی منز لیں عشروں میں طے ہوجائیں گی، اگر موجودہ حکومت نے عدالتی اِقدامات کو عملی جامہ پہنانے میں بروقت پیش قدمی سے کام لیا تو ہرخاص و عام حکومت کے اِس قدام کو ہمیشہ سراہتا رہے گا۔ ہماری دُعا ہے کہ چیف جسٹس آف پاکستان کی اللہ تعالیٰ حفاظت بھی فرمائے اور مدد و نصرت بھی تاکہ ہمت وحوصلہ سے کام لیتے ہوئے وہ اپنے اِس نیک اِنقلابی عمل کو پایہ تکمیل تک پہنچا کر کامیابی کی منزل سے ہمکنار ہوں۔اِس موقع پر پوری قوم قدم بہ قدم اُن کے ساتھ ہے۔ یکم ذیقعدہ ١٤٣٦ھ مطابق ١٧اگست ٢٠١٥ء سے جامعہ مدنیہ جدید میں تخصص فی علوم الحدیث واصول الفقہ کی تعلیم کا باقاعدہ آغاز ہو گیا،والحمد للہ