من ارض الخراج عشر۔
نوٹ صاع کے وزن میں اختلاف ہے۔آٹھ رطل کا صاع ہوتا ہے جو حنفیہ کے نزدیک مروج ہے۔ اور پانچ رطل اور ایک تہائی رطل کا صاع ہوتا ہے جو دوسرے ائمہ کے نزدیک مروج ہے۔
وجہ امام محمد فرماتے ہیں کہ شہد کو ناپنے کا زیادہ سے زیادہ بڑا پیمانہ فرق ہے۔ اس لئے پانچ فرق ہو جائے تو عشر لازم ہوگا۔ امام محمد اپنے پرانے اصول پر گئے ہیں کہ جس چیز کو وسق سے نہیں ناپتے ہیں اس میں یہ دیکھیں کہ ان کو ناپنے کا بڑا پیمانہ کیا ہے ؟ اگر اس بڑے پیمانے سے پانچ پیمانے ہو جائیں تو اس پر عشر لازم ہوگا۔اور شہد کوناپنے کا بڑا پیمانہ فرق ہے،اس لئے پانچ فرق ہوگاتو عشر لازم ہوگا۔
]٥١٢[(١١) اور خراجی زمین کی پیداوار میں عشر نہیں ہے۔
وجہ خراجی زمین میں خراج لازم ہوتا ہے۔اب اس پر عشر لازم کریں تو مؤنت دوگنی ہو جائے گی اور شریعت ایک زمین پر دو مرتبہ خراج یا عشر وصول نہیں کرتی۔ اس لئے زمین کی پیداوارمیں عشر لازم نہیں ہے۔ صرف خراج لازم ہوگا۔
