ماہنامہ انوار مدینہ لاہور جنوری 2006 |
اكستان |
|
درس حدیث حضرت اقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقائہ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) اہل ِبدر اور بیعت ِرضوان والے جہنم میں نہ جائیں گے حضرت عثمان کی بیعت ِ رضوان کے موقع پر خصوصی فضیلت اور معترضین کا جواب ( تخریج و تزئین : مولانا سےّد محمود میاں صاحب ) کیسٹ نمبر ٤٨ سائیڈاے ( ١٩٨٥ ۔٦۔٢٨) الحمد للّٰہ رب العالمین والصلٰوة والسلام علی خیرخلقہ سیّدنا ومولانا محمد وآلہ واصحابہ اجمعین امابعد ! بات یہ چل رہی تھی کہ وہ صحابہ کرام جو حدیبیہ میں شامل ہوئے اُن کی فضیلت میں ایک روایت تو پہلے گزری تھی، اب ایک روایت میں یہ آرہا ہے کہ حضرت حفصہ رضی اللہ تعالیٰ عنہا فرماتی ہیں کہ جناب رسول اللہ ۖنے ارشاد فرمایا اِنِّیْ لَاَرْجُوْ اَنْ لَّا یَدْخُلَ النَّارَ اِنْشَآئَ اللّٰہُ اَحَد شَہِدَ بَدْرًا وَ الْحُدَیْبِیَّةَ ١ مجھے یہ اُمید ہے وزنی اُمید ہے کہ انشاء اللہ کوئی بھی ایسا صحابی جس نے بدر میں اور حدیبیہ میں شرکت کی ہو وہ آگ میں نہیں جائے گا، یہ مجھے قوی اُمید ہے۔ ١ مشکوة شریف ج ٢ ص ٥٧٨