ٹی وی اور ڈش کے نقصانات
موجودہ حالات میں ٹی وی اور ڈش کے ذریعہ فحاشی اور عریانیت کا جو طوفان ہرجگہ پھیلا ہوا ہے اور اس کے مسموم اثرات سے ہر چھوٹا بڑا جس طرح متأثر ہے، اس کی زہر ناکی سے واقفیت اور اس سے حفاظت پہلے سے کہیں زیادہ ضروری ہوگئی ہے۔
فقہی تفصیلات سے قطع نظر اگر اخلاقی نقطۂ نظر سے ڈش اور ٹی وی کے نقصانات کا تجزیہ کیا جائے تو ہر صاحب عقل یہ تسلیم کرنے پر مجبور ہوگا کہ جنسی رجحانات کو مشتعل کرنے، اخلاق کو فاسد کرنے، حیا وغیرت کا خاتمہ کرنے، رذائل وفواحش کی ذہن سازی کرنے، اور نئی نسل کو مقصدیت اور تعمیر سے بے کاری اور تخریب کی راہ پر لے جانے کا سب سے اہم باعث ٹی وی اور ڈش کا طوفان ہے۔
سب سے بڑا نقصان ٹی وی اور ڈش کا یہ ہے کہ وہ مردوں کی غیرت کو ختم کردیتا ہے، غیرت وہ امتیازی وصف محمود ہے جو اللہ ایک بندۂ مؤمن میں راسخ دیکھناچاہتا ہے، ٹی وی وغیرہ کے ذریعہ انسان کی غیرت ختم ہوجاتی ہے اور اس کی جگہ دیوثیت آجاتی ہے، احادیث سے معلوم ہوتا ہے کہ بے غیرت ودیوث آدمی جنت میں داخل نہ ہوگا، جنت اس کے لئے حرام ہے، ٹی وی اور ڈش کے فحش وعریاں پروگراموں ، تصاویر ومناظر کو دیکھ کر غیرت وحمیت کا دامن تار تار ہوجاتا ہے۔
دوسرا نقصان یہ ہے کہ خاص طور پر عورتوں کے اندر سے حیا ختم ہوجاتی ہے، ٹی وی وغیرہ کے ذریعہ حیا وشرم ختم ہوکر اس کی جگہ بے حیائی وبے شرمی آجاتی ہے، اور حدیث سے
