ماہنامہ انوار مدینہ لاہور ستمبر 2009 |
اكستان |
 |
درس حدیث حضرت ِاقدس پیر و مرشد مولانا سید حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے۔ (آمین) ''شہد ''اور'' کلونجی'' میں مطلقاً شفاء ہے '' کُٹھ'' میں سات بیماریوں کی شفاء ہے،بچوں کا تالو گرنے میں مفید ہے بخار جہنم کی جھونکار ہے اِس کو پانی سے ٹھنڈا کرو ( تخریج و تزئین : مولانا سیّد محمود میاں صاحب ) (کیسٹ نمبر 59 سا ئیڈ B 04 - 07 - 1986) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! رسولِ کریم علیہ الصلٰوة والتسلیم نے اِرشاد فرمایا کہ تمہارے لیے دوائوں میں جو استعمال کرتے ہو سب سے بہتر دواء سینگی لگوانا ہے خون نکلوادینا ۔اَور قُسطِ بحری اِس میں(بھی) بڑی شفاء ہے۔ اَب'' قُسط'' کو ''کُستْ '' بھی کہتے ہیں اَور یہاں اُسے شاید'' کُٹھ'' کہتے ہیں اُس کی دو قسمیں ہیں ایک تلخ ہوتی ہے ایک شیریں ہوتی ہے میٹھی، میٹھی استعمال آتی ہے دوائوں میں کھانے پینے کے، پیچش میں یہ بہت مفید دواء شمار ہوتی ہے اَور اللہ جانے کس کس چیز میں کتنی مفید ہوتی ہوگی ۔ کلونجی کے بارے میں تعریف آئی ،اِس کے بارے میں آیا تھا کہ وہ تمام بیماریوں سے شفاء ہے سوائے موت کے تو کوئی دواء بھی پی جارہی ہو اُس میں وہ شامل کرلی جائے۔ بچوں کا گرا ہوا تالو دُرست کرنے کا طریقہ : دُوسری دواء یہ ہے قُسط ِ بحری۔یہ دستور تھا پہلے اَور اَب بھی کہیں ہوگا کہ بچوں کا تالو گرجاتا ہے تو اُس