ماہنامہ انوار مدینہ لاہور ستمبر 2009 |
اكستان |
 |
کرلیا اور وہ کر لیا۔اُن کے اُستاد امام ابو حنیفہ نے نہیں کیا عہدہ قبول، انہوں نے جیل میں جان دے دی اور یہ شاگرد جو ہیں اِنہوں نے عہدہ قبول کر لیا۔ حالانکہ اُنہوں نے جان دی عہدہ قبول نہیں کیا وہ اُس وقت کے اعتبار سے اُن کا فیصلہ دُرست تھا وہ بالکل صحیح تھا اوراِنہوں نے عہدہ قبول کیا تویہ اَوروقت تھا اُس وقت کے اعتبار سے اِن کا فیصلہ بھی دُرست تھا یہ بھی صحیح ہے دونوں کے معاملات صحیح تھے۔ چنانچہ امام ابو یوسف رحمة اللہ علیہ کا آتا ہے کہ جب اُن کی وفات ہوئی تو کسی نے خواب میں دیکھا کہ جنت ہے اور جنت میں ہل چل مچی ہوئی ہے اُنہوں نے ایک فرشتے سے پوچھا کہ یہ کیا بات ہے خیر ہے کیا ہے اتنی ہل چل کیوں ہے ؟ انہوں نے کہا تمہیں نہیں پتا؟ اُنہوں نے کہا نہیں۔ اُس نے کہا ''یعقوب'' آرہے ہیں ،امام ابویوسف رحمة اللہ علیہ کا نام یعقوب تھا تمہیں نہیں پتا یعقوب آرہے ہیں اور جنت دھوئی جا رہی ہے یعقوب کی آمد ہے جنت میں ۔پھر اُس فرشتے نے کہا اللہ نے یہ حکم دیا ہے کہ پہلے اُن کو میرے پاس لانا میں اُن پر موتیاں نچھاور کروں گا پھر اُن کو سیدھے جنت میں لے جانا،اتنا بڑا درجہ ملا ۔اِدھرلوگ تنقید اِس طرح سے کر رہے ہیںاور اُدھر اللہ کے یہاں یہ درجہ۔پھر کسی نے پوچھا کہ کیا وجہ ہے کہ اِن کو اتنا بڑا مرتبہ دیا گیاہے تو اِس کی وجہ یہ بتائی گئی کہ مخالفوں کے الزامات پر صبر کرتے تھے اذیتوں پر صبر کرتے تھے۔ توجب کوئی نیک بندہ اِس میدان میں قدم رکھتا ہے تو مخالفتیں شروع ہوجاتی ہیں پھر اُسے صبر بھی کرنا پڑتا ہے اور کہیںکارروائی بھی کرنی پڑتی ہے کوئی ٹھیک نہ ہو تو پھر اُسے دُوسرے اَنداز میں ٹھیک بھی کرنا پڑتا ہے۔ بہت جگہوں پر صبر سے کام لینا پڑتا ہے۔ گورنر کوفہ حضرت سعد پر مخالفین کے الزامات اور آزادانہ غیر جانبدارانہ تحقیقات : توحضرت سعد ابن ِ ابی وقاص جب گورنر بن گئے وہاں کے تو لوگوں نے الزامات لگانے شروع کر دیے حضرت عمر رضی اللہ تعالیٰ عنہ کو شکایتیں پہنچیں اُن میں سے ایک شکایت یہ تھی کہ یہ نماز صحیح نہیں پڑھاتے حالانکہ اِتنے بڑے عالم۔ وہ خود فرماتے تھے کہ نبی علیہ السلام کے ساتھ رہا شروع سے اسلام پر تھا ایک وقت ایسا تھا اور فرماتے ہیں کہ ہم جہاد کرتے تھے وہاں پر ہم کو صرف کیکر کے پتے کھانے کو ملتے تھے حتی کہ جو ہم اجابت کرتے تھے تو وہ بکری کی مینگنیوں کی طرح نکلتی تھی ۔اتنی قربانیاں دیں اور فرماتے ہیں کہ اَب اہل کوفہ یہ الزام لگاتے ہیں کہ یہ نماز صحیح نہیں پڑھاتے فرمانے لگے کہ اِتنا عرصہ نبی علیہ السلام کے ساتھ رہااور دین سیکھا