ماہنامہ انوار مدینہ لاہور ستمبر 2009 |
اكستان |
 |
روزہ ( جناب پروفیسرمحمد بشیر صاحب متین فطرت ،گورنمنٹ اِسلامیہ کالج سول لائنز لاہور ) . رحمتِ خاصِ الٰہی کا ہے عُنواں ، روزہ مُژدئہ جنت فردوس بداماں ، روزہ جُملہ طاعات و ریاضات کا گلداں ، روزہ ارمغانِ ہمہ اَلوانِ بہاراں ، روزہ عالمِ کون و مکاں میں ہے اَزل سے معروف شاملِ نظمِ عباداتِ کل اَدیاں ، روزہ صبح سے شام تلک ، رب کی رضا کی خاطر خواہشِ نفس و خور و نوش سے گرداں ، روزہ تقوٰی و تزکیہ ، اَثمارِ صد اَوصاف اس کے بزمِ اَعمال میں ہے ایسا دبستاں ، روزہ ظاہر و باطنِ انساں کو جِلا دیتا ہے نُزہتِ فکر و نظر کا ہے وہ ساماں ، روزہ استقامت کے عجب سانچے میں ڈھل جاتا ہے جب بھی رکھتا ہے خدا کے لیے اِنساں ، روزہ لغویات اور معاصی سے بچا لیتا ہے قدرتِ حق سے ہے کیا دافعِ عصیاں ، روزہ اس کے دَم سے ہوئے مامون سب اَعضائے بدن بہر صائم ہے خدا داد نگہباں ، روزہ