ماہنامہ انوار مدینہ لاہور ستمبر 2009 |
اكستان |
|
حکومت کو چاہیے کہ اِس سے پہلے کہ کوئی منفی رد ِ عمل سامنے آئے ذمّہ داری کا مظاہرہ کرتے ہوئے قاتلین کے خلاف فوری کاروائی کرتے ہوئے اُن کو گرفتار کر کے قرار ِواقعی سزاء دِلائے تاکہ اِس حادثہ سے متاثرہ حلقے مطمئن ہوں اور آئندہ کے لیے علماء ِ کرام کی قیمتی جانوں سے کھیلنے کا سلسلہ بند ہو۔ خوشخبری اِنشاء اللہ رمضان بعد نئے تعلیمی سال سے جامعہ مدنیہ جدید کے عصری شعبہ تعلیم میں کمپیوٹر تعلیم کا باقاعدہ آغاز کیا جا رہا ہے۔ عرصہ سے خواہش تھی کہ اِس کام کو اَنجام دینے والے مناسب اَفراد اللہ تعالیٰ فراہم کردے جو اِس کو جاری رکھنے کے ساتھ ساتھ ترقی دیتے چلے جائیں۔ ماہ ِ رجب میں جامعہ مدنیہ جدید کے فاضل نوجوان مولوی ذیشان صاحب سلمہ اللہ نے اِس کام کا بیڑا اُٹھایا اور اَز خود کوشش کر کے جامعہ مدنیہ جدید میں عصری تعلیم کے اِس شعبہ کے لیے کمپیوٹرز، سکینر اَور پرنٹر فراہم کر کے اِس کے اجراء کے لیے اہم مواد مہیا کیا، اِن کو اِس کا م کے لیے متوجہ اور متحرک کرنے پر اللہ تعالیٰ جامعہ مدنیہ جدید کے طالب علم عزیز عامر اخلاق سلمہ کو بھی جزائے خیر عطا فرمائے کہ اِن دو نوجوانوں کی مخلصانہ سعی ہماری اِس خواہش کا آغاز بن گئی۔ فَللّٰہِ الْحُمْدُ ۔