ماہنامہ انوار مدینہ لاہور ستمبر 2009 |
اكستان |
|
درسِ تہذیب و عمل غایتِ زرخیر اِس کی حسنِ خلق اور مروت کا گلستاں ، روزہ غم نصیبوں کے لیے ہدیۂ تبریک ہے یہ توڑتا ہے غم و آلام کے زنداں ، روزہ نوعِ اِنسان کی بھلائی کا اَتالیقِ خموش وجہ خوشنودیِ ناشاد و پریشاں ، روزہ سلکِ وحدت میں خدائی کو پرو دیتا ہے کیا غریب اور غنی سب کو ہے یکساں ، روزہ نظمِ طبقات پر اک ضربِ گراں ہے گویا ہے مساوات کا دُنیا میں حدی خواں ، روزہ یہ ہے ماحول کی تطہیر کا طرفہ ساماں مانعِ جرم ہے کیا نسخۂ اَرزاں ، روزہ اہلِ ایماں سے تلاوت کی حلاوت پوچھو موجبِ ذکر و عباداتِ فراواں ، روزہ دل کی تسکین بھی ہے ، رُوح کی معراج بھی ہے مُستزاد اس پہ ہے غفران کا ساماں ، روزہ خوش تراز مُشک ہے اللہ کو بو وہ ہمدم منہ سے صائم کے جسے کرتا ہے افشاں ، روزہ ''لیلة القدر'' ہے اللہ کا انعامِ عظیم سرِ آغاز و سرِ انجامِ شبِ آں ، روزہ شکرِ نعمت کے ترانوں سے فضا گونجتی ہے زہے قسمت کہ ہو شوکتِ ایماں ، روزہ