دے کہ مَىں تنہائى مىں کچھ کہوں گا پھر تنہائى ہو دے دے۔ اور مُہدىٰ الىہ کو مناسب ہے کہ اس ہدىہ کو ظاہر کر دے، خواہ مُہدِى کے ہوتے ہوئے خواہ اس کے چلے جانے کے بعد جب کہ اس کے شرمانے کا احتمال ہو۔
ادب72:۔اىک سفر مىں اىک موقع مىں لوگوں نے بلاىا۔ وہاں سے جب رخصت ہوکر چلنے لگا تو گاؤں والوں نے چاہا کہ تھوڑا تھوڑا سب ىکجا جمع کر کے کچھ ہدىہ پىش کرىں۔ مجھ کو اطلاع ہوئى مَىں نے منع کر دىا کہ اىسى حرکت نہ کرىں۔ اس مىں اىک خرابى تو ىہ ہے کہ بعض اوقات تحرىک کرنے والے اس کا لحاظ نہىں کرتے کہ مخاطَب طىبِ خاطر سے دے رہا ہے ىا مُحرِک کے الفاظ سے۔دوسرے اگر طىبِ خاطر کى بھى رعاىت کر لى تب بھى جو مصلحت ہے ہدىہ مىں کہ باہم محبت بڑھے جب ىہى پتہ نہ لگا کہ کس نے کىا دىا ہے تو وہ مصلحت مرتب نہ ہوئى۔ تىسرے بعض اوقات کسى عذر سے بعض ہداىا کا قبول کرنا خلافِ مصلحت ہوتا ہے۔ اور اس عذر کى تحقىق مہدى ہى سے ہوسکتى ہےسو مجتمع ہداىا مىں ىہ تحقىق بھى دشوار ہے۔ اس لىے جس کو دىنا ہو وہ اپنے ہاتھ اس کو دے ىا بلا تحرىک بطور خود کسى اپنے معتمد کے ہاتھ بھىجے ىا ہدىہ کے ساتھ مہدى کا رقعہ ہو۔
