﷽
مختلف آداب:
ادب1:۔ جب کسى کے پاس ملنے ىا کچھ کہنے جاؤ اور اس کو کسى شغل کى وجہ سے فرصت نہ ہو مثلاً قرآن کى تلاوت کر رہا ہے ىا وظىفہ پڑھ رہا ہے ىا قصداً مقام خلوت مىں بىٹھا کچھ لکھ رہا ہے ىا سونے کے لىے آمادہ ہے ىا قرائن سے اور کوئى اىسى حالت معلوم ہو جس سے غالباً اس شخص کى طرف متوجہ ہونے سے اس کا حرج ہوگا ىا اس کو گرانى و پرىشانى ہوگى ،اىسے وقت مىں اس سے کلام وسلام مت کرو، بلکہ ىا تو چلے جاؤ اور اگر بہت ہى ضرورت کى بات ہو تو مخاطب سے پہلے پوچھ لوکہ مَىں کچھ کہنا چاہتا ہوں ، پھر اجازت کے بعد کہہ دے، اس سے تنگى نہىں ہوتى۔ اور ىا فرصت کا انتظار کرو جب اس کو فارغ دىکھو مل لو۔
ادب2:۔جب کسى کے انتظار مىں بىٹھنا ہو تو اىسے موقع پر اور اس طور سے مت بىٹھو کہ اس شخص کو ىہ معلوم ہوجائے کہ تم اس کا انتظار کر رہے ہو، اس سے خواہ مخواہ اس کا دل مشوش ہوجاتا ہے اور اس کى ىکسوئى مىں خلل پرتا ہے، بلکہ اس سے دور اور نگاہ سے پوشىدہ ہو کر بىٹھو۔
ادب3:۔مصافحہ اىسے وقت مت کرو کہ دوسرے کے ہاتھ اىسے شغل مىں رکے
