آىا تھا کىونکہ اس خط کا مجھ سے تعلق تھا۔ راہ مىں کارندہ نے دىکھا کہ اس وقت ڈاک لے کر ہرکارہ اسٹىشن جاتا ہے۔ کارندہ صاحب نے ىہ خىال کر کے کہ ڈاک خانہ مىں جانے سے کل نکلے گا اس ہرکارہ کو دے دىا کہ آج ہى روانہ ہوجائے گا۔ کىونکہ ہر کارہ رىل کے سب پوسٹ ماسٹر کو دے گا ۔ اب مىں اس کا منتظر کہ بھائى کے گھر والے مىرے پاس خط بھىجىں گے۔ جب وہ خط نہ آىا تو مىں نے تحقىق کىا تو اس وقت ىہ سب قصہ معلوم ہوا۔ مىں نے کارندہ صاحب کو بلا کر فہمائش کى کہ تم نے امانت مىں بلا اذن کے کىسے تصرّف کىا ؟ تم کو کىا معلوم کہ مىرے پاس بھىجنے مىں کىا مصلحت تھى اور تم کو کىا معلوم کہ ڈاک خانہ کے ذرىعے سے بھىجنے کو ہرکارہ کے ہاتھ بھىجنے پر کس مصلحت سے ترجىح دىتا۔ تمہارا کام صرف اس قدر تھا کہ وہ خط مىرے پاس پہنچا دىتے۔ کارندہ نے معذرت کى کہ آئندہ اىسا نہ ہوگا۔
ادب70:۔اىک طالب علم بازار مىں جانے کى اجازت لىنے کے لىے آىا اور کھڑا ہوگىا۔ مَىں کسى بات مىں مشغول ہوگىا۔ وہ مىرے انتظار فراغ مىں کھڑا رہا ، اور مجھ کو اس کا کھڑا ہونا بوجہ صورتِ تقاضہ کے بار معلوم ہوا۔ مَىں نے سمجھاىا کہ اس سے طبىعت تنگ ہوتى ہے ، تم کو چاہئے تھا کہ جب مشغول دىکھا تھا بىٹھ جاتے اور جب فارغ دىکھتے گفتگو کرتے۔
