چونے کا ىا کنکرکا لگا رہتا ہے، اور حرکت دىنے سے وہ آنکھ وغىرہ مىں جا پڑتا ہے جس سے تکلىف ہوتى ہے۔ دوسرے ہاتھ اىسے انداز سے رکھو کہ نہ تو سر وغىرہ مىں لگے اور نہ اس قدر اونچا رہے کہ ہوا ہى نہ لگےاور اىسے زور سے بھى مت جھلو جس سے دوسرا پرىشان ہو۔ تىسرے اس کا خىال رکھو کہ کسى پاس بىٹھے ہوئے آدمى کو اىذاء نہ ہو مثلاً پنکھا اس کے منہ سے اڑادىا جائے ىا دىوار کى طرح اس کے سامنے بطور آڑ کے ہوجائے۔ چوتھے جب مخدوم اُٹھنے کو ہو تو خىال رکھو کہ پہلے ہى پنکھا ہٹا لو تاکہ لگ نہ جائے۔ پانچوىں اگر کوئى کاغذ وغىرہ نکالنے لگىں تو پنکھا روک لو، مشىن کى طرح تار نہ باندھ دو۔
ادب58:۔بعض طبائع پر اىسے شخص سے ہدىہ لىنا گراں گزرتا ہے جن کى کوئى حاجت ان سے متعلق ہو مثلاً دعا کرانا، کوئى تعوىذ لىنا، سفارش کرانا ،مرىد ہونا و مثل ذلک۔ سو اس کى بہت احتىاط رکھے۔ ہدىہ تو محض محبت سے ہونا چاہئے جس مىں کوئى غرض نہ ہو، اگر کوئى حاجت ہى ہو تو اس کے ساتھ نہ ملائے بلکہ جب حاجت پىش کرے تو ىہ شبہ نہ ہو کہ وہ ہدىہ اس واسطے دىا تھا۔ اور جب ہدىہ پىش کرے تو ىہ شبہ نہ ہو کہ کسى حاجت کىلئے دىا ہے۔
ادب59:۔اىک صاحب تو مىرے لىے قبل از نماز صبح اس خىال سے کہ مىں گھر