شخص کو سختى سے تنبىہ کى کہ تم کو اس کے روکنے کا کىا حق تھا، تم لوگوں کو مرعوب کرتے ہو۔ مىرى مجلس کو فرعون کى مجلس بناتے ہو۔ اگر کہا جائے کہ بے تمىزى کرتا تھا ، سو بے تمىزى سے روکنے کے لىے خدا نے مجھ کو بھى زبان دى ہے تم کىوں دخل دىتے ۔ اور اس دىہاتى سے کہا کہ جو کچھ کہنا ہے آزادى سے کہو۔
ادب49:۔اپنے بزرگ کے ساتھ اگر ان کے بعض متعلقىن کى بھى دعوت کرے تو خود ان سے نہ کہے کہ فلاں کو بھى لىتے آئىے۔ بعض اوقات ىاد نہىں رہتا۔ نىز اپنا کام ان سے لىنا خلافِ ادب بھى ہے، بلکہ ان سے اجازت لے کر اس متعلق سے خود کہہ دے اور اس متعلق کو بھى چاہئے کہ اپنے بزرگ سے پوچھ کر منظور کرے۔
ادب50:۔اىک شخص گلاس مىں پانى لاتا تھا ،کبھى اپنے لىے پڑھواتا تھا کبھى کسى اور کے لىے۔ مگر بدوں پوچھے ىہ نہىں بتلاتا تھا کہ اس وقت کس کے لىے پڑھواتا ہوں۔ اس کو مہمائش کى گئى کہ مجھ کو علم غىب نہىں، امتىاز کا اور کوئى قرىنہ اصطلاحىہ بھى مقرر نہىں کىا گىا تو ہر بار مىں استفسار کا بار مجھ پر رکھنا بھى خلافِ تہذىب ہے۔ گلاس رکھ کر از خود ىہ کہہ دىا کہ فلاں شخص کے لىے پڑھوانا ہے۔
