جگہ سے اُٹھا کر کہىں اىک طرف رکھ دے تاکہ کسى کو تکلىف نہ ہو۔
ادب20:۔کسى کا خط جس کے تم مکتوب الىہ نہ ہو مت دىکھو، نہ حاضرانہ جىسے بعضے آدمى لکھتے ہىں ،دىکھتے جاتے ہىں اور نہ غائبانہ۔
ادب21:۔اسى طرح کسى کے سامنے کاغذات رکھے ہو ان کو اُٹھا کر مت دىکھو۔ شاىد وہ شخص کسى کاغذ کو تم سے پوشىدہ کرنا چاہتا ہے گو وہ چَھپا ہوا کىوں نہ ہو۔ کىوں کہ بعض دفعہ وہ اس کو پسند نہىں کرتا کہ اس کاغذ کا اس شخص کے پاس ہونا تم کو معلوم ہو۔
ادب22:۔جو شخص کھانے کے لىے جارہا ہو ىا بلاىا گىا ہو اس کے ساتھ اس مقام تک مت جاؤ۔ کىونکہ صاحب خانہ شرما کھانے کى تواضع کرتا ہے اور دل اندر سے نہىں چاہتا اور بعضے جلدى قبول کر لىتے ہىں تو صاحب ِ خانہ کى بلا رضا کھانا کھاىا اور اگر قبول نہ کىا ہو تو صاحبِ کانہ کى سبکى ہے، پھر خود صاحبِ خانہ کا اوّل وہلہ مىں تردد ىہ بھى مستقل اىذاء ہے۔
ادب23:۔جب کسى شخص سے کوئى حاجت پىش کرنا ہو جس کو پہلے بھى ذکر کر چکا ہو تو دوبارہ پىش کرنے کے وقت بھى پورى بات کہنا چاہئے۔ قرائن پر ىا پہلى بات کے بھروسہ پر ناتمام بات نہ کہے۔ ممکن ہے مخاطَب کو پہلى بات ىاد نہ رہى ہو اور غلط سمجھ جائے ىا نہ سمجھنے سے پرىشانى ہو۔