بار اُٹھانا پڑتا کىوں کہ بعض اوقات اىسا ہوچکا ہے کہ بلا استفسار مىرے بلانے کے لىے خرچ بھىج دىا اور مَىں نہ جا سکا، ىا کوئى مصرف مبہم ىا غىر مبہم مگر جس کا کوئى جزو قابل تحقىق تھا لکھا اور ىہاں سے استفسار کرا پڑا اور جواب مىں دوسرى جانب سے دىر ہوئى تو بس اب ان کى محتاجى ہوگئى ۔ اور جس شخص کو مشاغل زىادہ ہوں اس کو ان امور سے کوفت ہوتى ہے اس لىے وہ لفافہ مىں نے واپس کر دىا۔ جس شخص کى حالت مجھ جىسى ہو اس کے ساتھ لزوماً اور دوسروں کے ساتھ استحساناً اىسے موقع پر ىہ طرىقہ برتنا چاہئے کہ اوّل اطلاع ىا استفسار کر کے اجازت حاصل کرلىں تب بھىجىں ىا منى آرڈر کے کوپن مىں صاف لکھ دىں تاکہ مرسل الىہ کو معلوم تو ہوجائے پھر خواہ وصول کرے ىا واپس کر دے۔
ادب91:۔جلال آباد مىں اىک مکتب کے مدرس مرىض ہوگئے۔ مہتمم مکتب نے مجھ سے درخواست کى کہ دو چار روز کے لىے کسى شخص کو تعلىم کے واسطے بھىج دىا جاوے۔ مَىں نے اس خىال سے کہ مىرے کہنے سے مجبور نہ ہو ان ہى سے کہہ دىا کہ ىہاں کے رہنے والوں سے پوچھ لىا جاوے جو آزادى کے ساتھ راضى ہو مىرى طرف سے اجازت ہے۔ انہوں نے ذاکر کو راضى کىا اور اس ذاکر نے ىہ شرط لگائى کہ فلاں شخص سے (ىعنى مجھ سے) پوچھ کر
