ادب87:۔گفتگو مىں متکلم جس دلىل پر رَد جس دعوے کے خلاف ثابت کر چکا ہو تم کو ان مقدمات پر کلام کرنا تو مضائقہ نہىں مگر بعىنہٖ وہى دعوىٰ ىا دلىل کا اعادہ کرنا اپنے مخاطَب کو اىذا پہنچانا ہے اس کا بہت خىال رکھو۔
ادب88:۔تجربہ سے معلوم ہوا ہے کہ کام کرنے والے آدمى کے پاس بلا ضرورت بےکار آدمى کا بىٹھنا اس کے قلب کو مشغول و مشوش کرتا ہے۔ خاص کر جب اس کے پاس بىٹھ کر اس کو تکتا بھى رہے۔ اس کا بہت لحاظ رکھنا چاہئے۔
ادب89:۔بالاخانہ کے بعض پرنالے لبِ سڑک خاص برسات کے لىے ہوتے ہىں ، دوسرے اوقات مىں ان مىں پانى چھوڑنا راہگىروں کو تکلىف دىنا ہے۔ گو کوئى تمہارے لحاظ سے نہ بولے مگر تم کو بھى تو خىال ولحاظ رکھنا چاہئے۔
ادب90:۔اىک مقامہ سے اىک لفافہ مىں پچاس روپے کا بىمہ آىا۔ چونکہ بدوں لفافہ کھولے ہوئے معلوم نہ ہوسکتا تھا کہ کس غرض سے رقم آئى ہے اور ممکن ہے کہ بعد کھولنے کے کوئى اىسى غرض معلوم ہوتى جس کو مَىں پورا نہ کرسکتا اور اس لىے وہ رقم واپس کرنى پڑتى ىا اس غرض مىں کوئى ابہام ہوتا جس کى مکرر تحقىق کى حاجت ہوتى اور اس کى تحقىق تک اس رقم کو بلاضرورت امانت رکھنا پرتا اور واپسى مىں بلا ضرورت مجھ کو پھر صرف کا
