ایہ۲۹؎ موافق سنت رب دی فتح ہوئی اسلامی
تیں خود اپنے رملوں پائی بدنامی ناکامی
نویں مسیحی آکھن نقلی عیسیٰ غالب آسی
ایہ نہ جانن بھس مسیحی اپنی دے سرپاسی
نویں مسیحیاں نال پرانے عیسائیاں دا دنگا
حکمت رب دی دیکھو کر گیا دوہاندا کہنگا چنگا
لعنت اتے خجالت پائی موت اتے بیماری
دوہاں باطل فرقیاں اتے آئی ذلت خواری
اس دی بحث دا اک نتیجہ ظاہر ہورسناواں
نور ہدایت جھوٹے عیسیٰ مہدی دا دکھلاواں
دین دے اندر اس دجال نے کیتے جیہڑے واہدے
پادریاں نے لگے یوسف چیلاتے اوہ پاہدے
خاطر جنہاں دی امبر سروچ بحث دے جلسے لائے
فیض اجیہا جاری کیتا اوہو روڑھ گوائے
مرزے دا اک خاص مقرب سالا ماسی جایا
نواں مسیحی فرقہ چھڈ پرا نیاندی دل دھایا
ہن ایہ اوسنوں دلدا کھوٹاتے بد چلن بناوے
پر بد چلنی اس دی کوئی لکھ کے ناں دکھلاوے
دیکھن والے جانن گھر مرزے دے آہا ریہندا
اﷲ جانے ہن کیوں ہے بد چلن اوسنوں ایہ کہندا
چیلا کوئی کدے نہ پچھے اپنے اس رہبر تھیں
جد بدچلنی اس دی دیکھی کڈھیا کیوں ناں گھر تھیں
بیت مبارک وچ کی کری خیانت بیفرمانی
جے اوہ لکھن مناسب ناہیں دسو کجھ زبانی
کیہڑا کافر مؤمن ہویا اس دے دیکھ رسالے
اس ملحد نے بعضے مومن شکاں دیوچ گالے
عیسیٰ ہن سماناں اوپر کی پہنے کی کھاوے
کپڑے اس سدے کون بنے تے کھانا کون پکاوے
سن سن ہسن مول نہ پچھن چیلے کرماں پھٹے
کس نے قلم گھڑی کس گھولے اوہ سرخی دی چھٹے
اک سنوری چیلے دی تساں ٹوپی چھینٹ بنائی
حضرت عرش دے اوتے لال دوات اوہ کتھوں آئی
چیلیاندے وچ اوہ تبرک شیخی نال دکھاوے
خلوت اندر مٹھی چاپی دا احوال سناوے
وچ لاہور دے سعدی نال اس چیلے لایا جیھڑا
ابو سعید نے طال بقاء کیتا انت نبیڑا
چیلا آکھے ایہ کرامت توں کیوں مندا ناہیں
میں آکھاں ایہ گل نہ منن قابل تیرے راہیں
توں ہیں بھولا بھالا مرزے کوئی مکر بنایا
تینوں کلا دیکھیا تازہ شعبدہ اک دکھایا
یا کسے موری راہوں چھٹے گھردے ساتھی سٹے
یا مڑھکے تھیں گلے ہوئے ایہ پرانے چھٹے
چیلا آکھے توناں منیں ہیں منکر اولیاواں
کوئی نہ کوئی ڈھچر ڈھائیں جیہڑی گل لیاواں
ابوسعید ہوراں نے آکھیا چھڈ اس جھگڑے تائیں
ایہ کرامت ہور مریداں تائیں جاء منائیں
اس چیلے نوں پچھیا میں جے قادیاں تھیں توں آیا
قادیاں دی کجھ خبر سناتاں چیلے ذکر سنایا
بیت الفکر دے اندر مرزاقادیانی آہے ستے
مینوں لایا مٹھیاں بھرن تے چٹی چادر اوتے