دنیا وچ بھلیایاں دئیں ربا پھر وچ فردوس دہ جا سانوں
موت زندگی دے سارے فتنیاں تھیں ربا فضل دے نال بچا سانوں
ربا میں ظلوم جھول بندی ساڈی بخشدے بھل خطاء سانوں
جیہئے بھار چکائے توں اگالیاں توں اوہو جیئے ناں بھار چکا سانوں
ساڈے زور تھیں دوجے بھار ہووے اس ہیٹھ ناں کدی دبا سانوں
عفو مغفرت رحم چا کریں مولا اوپر دشمناں مدد فرماء سانوں
فتنہ شر دجال دا سخت بھارا ایس ابتلاء وچ ناں پا سانوں
وچ امن رکھیں فتنے قبر دے تھیں تتی اگ دی بھاہ نہ لا سانوں
وچ قبر دے جد نکیرین آون توئیں سب جواب سکھلا سانوں
نال امن امان دے حشر تائیں نویں دلہن وانگ سوا سانوں
اسرافیل نوں جد تیرا حکم ہووے پھوک مار کے لوی جگا سانوں
سدن والا جدنیڑ یوں ہاک مارے حشر گاہ ول لئے بلا سانوں
دھپ سخت جاں کرن حیران لگے اوس حوض دا جام پلا سانوں
تیرا مصطفیٰ ہے جتھے آپ ساقی اوہدے ساتھیاں وچ رلا سانوں
سنے آل اولاد از واج ٹبر پل صراط تھیں پار لنگھا سانوں
جیہڑے اوتھے اگے پچھے وچھڑے ہاں اوتھے وچ فردوس ملا سانوں
M!
(پہلی سہ حرفی)
چودھویں صدی دا جھوٹا مسیح
الف اﷲ دی آس تکاء جیا اوہدے فضل دا واسطا پا جیا
تیرا مصطفیٰ اے پیشوا جیا لکھ لکھ سلام پوچاء جیا
نالے آل اصحاب رلاء جیا لازم اوہنا دا اے اقتداء جیا
جھوٹھے عیسیٰ دی گل سنا جیا بھانویں برا منن بیحیا جیا
