واوولی شیطان دے سب جھوٹھے جیہڑے گل کہندے قسم کھاء کہندے
میں ہاں نوح خلیل مثیل عیسیٰ منوں اپنے آپ بناء کہندے
جھوٹھ موٹھ کتاب خداء اندر رائے اپنی نال ملاء کہندے
راسخ قدم نہ آوندے داؤاندریسن کے ربنا لاتزغ چاء کہندے
ہے ہاریا دلی دے وچ مرزا جدوں چھپن دی کوئی ناں جا پائی
باہر شرم دا ماریا نکلے ناں نال رن دے کھیل دا لک مچائی
اوتھوں رات نوں نٹھیالک چھپکے لوکاں ستیاں تے فرصت ہتھ آئی
جدوں آیا پٹیالے اسحق ہوراں اک عام جلسے وچ گت بنائی
لام لاہور دے وچ جا کے پھر بحث دا شور مچایا جی
جدوں تنگ کیتا بو سعید ہوراں سیالکوٹ نوں اٹھ کے دِھایا جی
اتھے بولیاتاں سیالکوٹیاں نے بو سعید نوں سد بلایا جی
سچ پہنچیاتاں جھوٹھ نٹھ تریا کوچ والا الہام سنایا جی
ہمزہ اصل دجال اجے آنؤناں ایں ایہ مثیل مسیح دا آن پہنچا
لوکو دیکھنا وقت ہے ابتلاء دا بدعت کفر والا لیکے خوان پہنچا
اج ہوراک چودھویں صدی اندر دیکھو کرن تحریف قرآن پہنچا
کلمہ اشہد میرزا کادیانی کانے کوڑھیاں تائیں سکھلان پہنچا
لئے یار اسلام دیا ساتھیاں اوئے میرے نال آکھیںباربار آمیں
مرزا وچ گمراہی دے دور پہنچا اﷲ راہ پاوے کہ ہزار آمیں
پڑھے پھیر اشاعۃ السنۃ اونویں کرے رفع یدین جہار آمیں
وارے جائیے راہ اسلام اوتے اوچی ہتھ کر کے کہیں یار آمیں
دوسری سی حرفی
الف اﷲ دی حمد ثناء کر کے اہدے نبی تے بھیج درود میاں
جیدے حکم تے چابیاں مڑن پچھوں ملے وچہ بہشت خلود میاں