قبطیاں نال ہلاکت وعدہ موسیٰ نے کد کریا
مرزے والیاں انہاں سزا واں دا کد ذمہ بھریا
ڈرا اﷲ تھیں ایسی تہمت نبیاں سرناں لاتوں
من گھڑتی تفسیراں کرنے تھیں جاہل باز آتوں
تیرے مرزے آکھیا آتھم مر کے ہاوئیے پے سی
میرا ایس مقابلہ کیتا ٹھیک سزا ایہ لے سی
نہیں تاں میرا کالا منہ کر رسا گل وچ پاؤ
رستے وچ گھڑیسو مینوں پھیر صلیب چڑھاؤ
قسماں کھا کے آخر آکھیا ہونا ایہ ضروری
زمین آسمان ٹلن پر ہوسی بات اﷲ دی پوری
جے میں جھوٹا نکلاں پائیو ودھ ودھ کے ٹھپکاراں
میرے جھوٹھ تے سچ دیاں ایہو پیش گوئیاں معیاراں
دل وچ ڈریا اوہ ہن مرزا لاوے جھوٹھ بہانے
یونس نبی دی قوم دا ایمان ساری خلقت جانے
آتھم اوہو جیہا مسیحی کد ایمان لیایا
کس کافرنے لکے ایمانوں دسو نفع اٹھایا
دل وچ جیہڑا کرے یقین تے آکڑ چھڈے ناہیں
ہے اوہ بے ایمان نہ ہوسی اوس نجات کداہیں
سورۃ نمل رکوع پہلے آخر رب فرمایا
ساڈھے کھلے نشاناں تائیں کافراں سحر بنایا
ظاہر منکر ہوئے تے دل وچ من یقین لیائے
بے انصافی خودی تکبر کر کے باز نہ آئے
بے ایماناں جدوں فساد شرارت شوخی کیتی
دیکھ توں آخر نال اونہاندے کیہی کیہی بیتی
مرزے سوا برس وچ لائی حد آتھم دا مرنا
جے آتھم ناں مرے تاں مرزے دا منہ کالا کرنا
اﷲ پاک دی قدرت دیکھو آتھم اجے نہ مریا
نان ایمان لیایا ناحق دل رجوع اوس کریا
دل وچ جے کجھ ڈریا ہوندا مرزے دے گھر جاندا
مرزے نوں بی ٹکڑا دیندا بیٹھا پنشن کھاندا
چھ تاریخ ستمبر دی کیوں انبر سروچ آکے
پادریاں دا سنگی بندا پٹدا اس دے خاکے
انبرسرمرزائی آکھن آتھم لد سدھایا
ایہ تاں پادریاں نے ربڑ دا پتلا کتوں منگایا
آتھم کیتا اگلے دن مرزائیاں نوں شرمندہ
گڈی چڑھ کے ہوکا دیوے دیکھو میں ہاں زندہ
مرزے نے بی کیون ناں دسیا جد اوہ دلوچ ڈریا
آخر وقت الہام بنایا جد دیکھیا ناں مریا
آخر وچ کراماتاں دے لکھیا کھلم کھلا
سوا برس وچ مرسی آتھم عنبرسر۲۳؎ی عبداﷲ
ہاوئے دی تے رجوع بحق دی اوتھے شرط نہ کوئی
بڈھے دے مرنے دی اس نوں صاف بشارت ہوئی
اکھاں اس دیاں کھل گیاں تے اطمینان بی ہویا
عربی وچ ایہ دعویٰ لکھ کے عاماں کنوں لکویا
کوئی آکھے حضرت نے کدناؤں آتھم دالایا
ہاویہ لکھی سزا ہے دعویٰ موت دا کد فرمایا
رجوع بحق دی دیکھو شرط الہامی آکے کوئی
اوہ ایمان لیایا دلوچ رحمت ربدی ہوئی
حامی نے تفہیم بنائی دسی اپنی خامی
لعنت حصے خاطر بنیا ایہ مرزے داحامی