آتھم نے مرجاناں سوا برس تھیں اگے اگے
چاہگیاں مارن شرطاں لاوں چیلے احمق ڈھگے
سنت رب دی کدی نہ بدلی ہن بی ہوئی اونویں
منہ کالا دجال دا ہویا زندے رہے اوہ دونویں
اپنی آپ کسوٹی اوپر خوب گیا آزمایا
اﷲ پاک نے فضل کیتا اس صدمیوں دین بچایا
جے کتے ہوندی موت انہاں دی لکھی تے اوہ مرجاندے
ایہ دجال خدا بن بہندا جاہل دھوکھا کھاندے
وانگ دوپہرے ظاہر ہویا ہن اس دا منہ کالا
چیلیاں دی بی اکھاں اگوں لیہ گیا دھند تے جالا
بعضے دل دے انھے اکھاں میچیں بیٹھے درتے
دور گئے گمراہی وچ اجیہے مول نہ پرتے
کھول حقیقت اس دی تینوں سچو سچ سناواں
کھسریاں۹؎ چوہڑیاں پیری دیکھی کیتی ریس بھراواں
دتا مسلماناں نوں دھوکھا مونہوں کلمہ کہہ کے
نوکری چھٹی فیل ہویا مختاری۱۰؎ دے وچ
بہکےپہلوں کیہا مجدد ہاں میں پھیر محدث بنیا
بنیا آخر مرسل نبی ہلاکو خاں دا جنیا
عیسیٰ بنیا مہدی بنیا حارث بنیا آپے
ابنیت دے دعوے ظالم وچ کتاباں چھاپے
جس نوں کرے ہدایت اﷲ سدھے راہ اوہ چلدا
جس نوں اوہ توفیق نہ دیوے گمراہی وچ گلدا
سنجہ سویرے رات دوپہرے شکر اﷲ دا کرے
منگدے رہئے اس دا فضل عذابوں اوس دیوں ڈرئیے
وعد وعید اوس دے سب سچے کوئی خلاف نجاوے
جوہر شے پر حاضر ناظر اوہ کد غلطی کھاوے
ناں گل اوس دی بدلے ناں اوہ ظالم بندیاں اوتے
اس دے اگے جھگڑ نہ سکن کافر بھاگاں ستے
بھیجے کدے عذاب۱۱؎نصیحت کارن نافرماناں
ڈر کے عبرت پکڑن ہوون شامل اہل ایماناں
بھیجے جدوں ہلاک کرن نوں پھیر عذاب نہ موڑے
بہاویں اوہ ایمان لیاون وچ سمندر بوڑے
رحمت ویلے رحم کرے تے سختی وقت عذاباں
جس تھیں بدلا لینا چاہے چھیتی کرے حساباں۱۲؎
غیرت والا رب ہے تیرا کرے عذاب اوہ جھبدے۱۳؎
بھانویں رحم اتے غفران بی ہن بے انت اس ربدے
بندیاں تھیں جد چاہے وعدے پورے کرن ہمیشہ
اس تھیں وعد خلافی دا پھر کد ھووے اندیشہ
نیکاں نوں انعام ہے بریاں۱۴؎ اوپر جیہڑی سختی
درگزرن اس سختی تھیں ہے نیکاں دی کمبختی
جے اندیشہ ہوندا حضرت موسیٰ کدی نہ دیندے
ناں فرعون نوں دیکھ کے پچھے نال دلیری کہندے
میرے نال ہے میرا رب ہدایت مینوں کرسی
یعنی مینوں خوف نہیں کجھ دشمن آپے مرسی
کہن منافق وعدیاں۱۵؎ اندر اﷲ دھوکھا کردا
مؤمن آکھن سچا وعدہ رب تے پیغمبر دا
مرزا آکھے وعدیاں دیوچ شرطاں رب لکووے
اوس دا وعدہ ظاہر باطن اک جہاناں ہووے
مؤمن آکھن اہیاں گلاں جھوٹے رملی کردے
اندر کجھ تے باہر کجھ سناون رکھن پردے