چوں سوئے مال کادیانی بینی
قدخاب من افتری عیانی بینی
سلطان بمراد خویش وآتھم زندہ
گمنام نشان آسمانی بینی
وھو الفتاح العلیم
ونصلی علی رسولہ الکریم واٰلہ الفخیم!
حمد اﷲ نوں جس نے سرجیا دھرتی انبر تائیں
لکھ صلوٰۃ سلام محمدؐ پاک پیمبر تائیں
نالے اوس دے آل ازواج اصحاباں تابعداراں
ہور رسولاں نبیاں اوتے کہاں سلام ہزاراں
احمد مرسل ختم نبیاں سب قوماں دا ہادی
اوہ بشارت روح اﷲ دی دعا خلیل اﷲ دی
ختم نبیاں آیا رحمت فضل ہدایت کارن
رب نے بھیجا خاص مہانا اوہ ڈبدیاں نوں تارن
دیریاں نوں اوس بھائی بنایا دیر وکھودہ ونجائے
اگدے ٹوئے اندر ڈگدے باہوں پکڑ بچائے
ہر دم کرئے اﷲ پاک دی نعمت دا شکراناں
نبیؐ رؤف رحیم اوس بھیجیا کارن اہل ایماناں
جس نے سچیاں خبراں دتیاں فتنیاں کنوں ڈرایا
فتنیاں ویلے دین تے ثابت قدم رہن فرمایا
جو کوئی اوسدیاں خبراں منے اوہ نصیباں والا
عربی ہندی روسی رومی گورا خواہی کالا
آکھیس اوس گھڑی تھیں پہلوں جھوٹھے تیہ اک آون
نبی نہیں کوئی میرے پچھے پراوہ نبی کہاون
جھوٹے کئی مسیح آون گے عیسیٰ خبر سنائی
آخر میں آسمانوں آواں نال جلال خدائی۵؎
دجالاں دی بڑی نشانی اج نبوت دعوا
جزئی۶؎ کلی قسماں ہن سب دھوکھے مکر بھراوا
ایسے جھوٹے نبی کئی ہو گزرے ہن اج تائیں
خوار ہلاک اونہانوں کیتا آخر اﷲ سائیں
قادیاں وچ اونہاں دا بھائی اج کل ہور اک آیا
پیش گوئیاں رمالاں والیاں کر کر شور مچایا
آکھے میں ہاں آیا اوہ بشارت عیسیٰ والی۷؎
سبہ دجالاں نالوں ودھ کے کیتی اس دجالی
ناؤں غلام احمد۸؎ پورے سال پنجاہ سدا کے
احمد آپ رسول اوہ بنیا ظالم آخر آکے
دیکھو قدرت رب دی نالے آپ مسیح سدایا
عیسیٰ نبی دا اوہ فرمودہ کیہا صادق آیا
آپے کیہا نہ چھیتی پاؤ سمجھو اہل ایمانو
مرن جے ناں سلطان تے آتھم مینوں جھوٹھا جانو
میرے جھوٹھ تے سچ دی لوکو ہوئی ایہ کسوٹی
رنڈی تیہ ماہاں دے وچ سلطان دی ہوسی وٹی