گھراں وچہ پالن جیہڑے کھان والے گندے کم تھیں اوہناں ہٹاؤنائیں
کریں مسخری چیلیاں وچہ بہکے لے کے ناؤں شکار ہنساؤنائیں
و، وقت نئیں آیا اؤنیدا دیر ہون توں کدے گھبرائونائیں
حشر آؤنائیں حشر آؤنائیں دیر ہوئی دل وچہ شک لیاؤنائیں
ایہ شبہے ہن کافراں ملحداندے اہناں دھوکھیاندے مگر جاؤنائیں
بدھے وقت اوپر سارے کم ہوندے اﷲ پاک اتے چھیتی پاؤ نائیں
ہ، ہلاک ہوئے تیرے جیھے جھوٹے جیھڑے رب رسول کہا گئے
لوکاں وچہ مشہور اے اج تائیں اک بخشی چند بناء گئے
ابراہیم ؑ ہاں نوح ؑ ہاں علیؓ ہاں میں کئی تیری وانگوں شور پاء گئے
بدی تیتھوں بی وہد کما گئے۔ بیجے اپنے داپھل کھاء گئے
لا، لائقی سب تیری دیکھ چکے براہین سی دھوکھیدی اک ٹٹی
مسلمان آے تیرے داؤ اندر دساں دساں روپیاندی بھری چٹی
سودامک چکا لوک ٹھگ لئے گھر جاوڑیا چک لئی ہسٹی
آکے فتح توضیح ازالے لڑنے رہی سہی تیری مٹی ہور پٹی
ئ، استعارے تیرے مرزیا اوئے تینوں دین ایمان تھیں پٹ گئے
کوئی بنھ رستہ استعاریاندا اینوں باطنی بی کھلے گھٹ گئے
مغز کڈھیا شرع دا وانگ تیرے روزہ ہور نماز سب چٹ گئے
سلف صالحین دا مگر چھڈنائیں پونجی آخرت دی اوھو کھٹ گئے
ی، یاوری اﷲ دی رات دنے پل پل گھڑی گھڑی منگ سعدی
پکی کریں توحید خدائی دی نوں چلیں شرعدے راہ نسنگ سعدی
اوس کانے دے فتنوں دور رہیں چھوئے اگ نوں ناں ترا انگ سعدی
قلم واہ اﷲ دے راہ اندر دیکھ دیکھ دشمن رہن دنگ سعدی
اہل سنت والجماعت دے عقائد دا بیان وصیت دے طور اوتے
اﷲ پاک نوں اک معبود جانیں جیدی خلق ہے زمین آسمان پیارے
اوہنوں منتقم جان تے قہر والا نالے سمجھ رحیم رحمن پیارے