اوھنوں کدے ترکھان دا پت دسیں اوہدے معجزے کہیں نیرنگ سازی
جے میں چاہاں عیسیٰ نالوں گھٹ نائیں مینوں ہے مکروہ ایہ کھیل بازی
ف، فن وچہ اپنے ہیں پورا لاہ دتی اے شرم دی سروں لوئی
داکھی ہتھ نہ پہنچیا تھوہ کوڑی تیری مرزیا ایہو مثال ہوئی
مذہب سلف دا آہا کتاب سنت چھڈ تریاتوں سب کی کرے کوئی
جاکے شیعاں کولوں عبقات منگیں کریں صحیح بخاری دی عیب جوئی
ق، قدر توں اپنی سمجھ مرزا نبیانوالے الہام سناً وندائیں
ظاہر کریں ایمان منافقانہ دھوکے وچہ عوام نوں پاؤندائیں
نالے کہیں محدث نبی ہوندا النبی محدث گاؤندائیں
نبیاں نال رلایا محدثاں نوں جھوٹھی توبہ دا شور مچاؤندائیں
ک، کذب تیرا حدوں لنگ گیا مکتوبات دے وچہ کی گل تیری
تیری چیلے ہوئے انھے اکھیاں تھیں کیہی دتی ہے اوہناں نوں بھوت پھیری
کدے کہن عیسیٰ تینوں کدے مہدی چھا گئی اکھاں اگ کی انھیری
بہت جاندے ہن تیرا حال وچوں بھولے بھالے دیکھیں ذرا نظم میری
ل، لوہب ہنکارنوں چھڈدے توں مسلمانوں ہن صاف بن جاء مرزا
دلوں جاندیہ بغض چنگیز خانی مسلماناں نوں ناں ستاء مرزا
تیرے جیہے جھوٹے ہوندے سخت اظلم خوف اﷲ دا ناں بھلا مرزا
تیرے بھلے دے واسطے کہے سعدی باز آ مرزا باز آ مرزا
م، مغل کد فارسی نسل ہوئے ایڈے جھوٹے طوفان کیوں جوڑ نائیں
نبی کیہا سی اوہ سلماںؓ تائیں توں تاں جھوٹھ تارے مرزا توڑ نائیں
خبر صاف اے عیسیٰ دے آویندی استعاریاں نال مروڑنائیں
ساہ لین نوں نہیں ہواء اوپر پیا نیچری گند نچوڑنائیں
ن، نبی کیہا نہیں مویا عیسیٰ اوہ نے پھر دوجی وار آؤنائیں
کرو قتل دجال صلیب بھنو آ کے سوراندا چھون مکاؤنائیں