ماہنامہ انوار مدینہ لاہور ستمبر 2017 |
اكستان |
|
اعتماد ہے خواب دیکھا ہے کہ حضور ۖ تشریف لائے ہیں اور یہاں کے تمام کمروں میں گھومتے پھر رہے ہیں اور اپنی خوشی کا اظہار فرما رہے ہیں، میرے پاس ان سے کئی ایک کے خوابوں کے پرچے محفوظ ہیں اس سے صاف ظاہر ہوتا ہے کہ حضور ۖ کی خصوصی توجہ بانسکنڈی کے مدرسہ کی جانب ہے اور یہ خواب صحیح معلوم ہوتا ہے کیونکہ شیطان حضور ۖ کی شکل و صورت میں نہیں آسکتا تو یہ بات بہت خوشی کی ہے، اس علم کا مقصد پیٹ بھرنا نہیں ہے بلکہ اللہ تعالیٰ کی رضا اور اُس کی محبت اور اُس کے بتلائے ہوئے راستہ کو حاصل کرنا ہے، اس مدرسہ کے علماء کوئی معمولی نہیں ہر ایک اپنے فن میں مہارت رکھتا ہے مگر تیس چالیس روپیہ اِن کو ملتے ہیں اور اِسی میں یہ کس طرح گزارہ کرتے ہیں، آپ حضرات کی توجہ کی بے انتہا ضرورت ہے اس مدرسہ کو جلد سے جلد آگے بڑھائیے اور ترقی دیجئے اس میں جو کچھ آپ دیں گے وہ آخرت میں کام آنے والا ہے اور اللہ کے غضب اور غصہ کو مٹانے والا ہوگا، احادیث میںا یا ہے کہ جب آدمی مرجاتا ہے تو اُس کے تمام اعمال منقطع ہوجاتے ہیں مگر تین چیزیں ایسی ہیں کہ جن کا ثواب مرنے کے بعد بھی جاری رہتا ہے ایک صدقہ جاریہ ،دوسرے اولادِ صالح، تیسرے آخرت کا علم۔ اگر آپ مرنے کے بعد سڑ گل بھی جائیں تو بھی ثواب ملتا رہے گا، فرمایا حضور ۖ نے کہ جس شخص نے میری سنت اور میرے علم کو زندہ کیا اُس نے گویا مجھ کو زندہ کیا۔ تو میرے بھائیو اور بزرگو ! اس کی طرف بہت زیادہ توجہ کی ضرورت ہے، یہ چیز دارین میں کام آنے والی ہے آپ حضرات اِس میں زیادہ سے زیادہ حصہ لیں اور اس کام کو ایک بہت ضروری اور اہم کام سمجھ کر کریں، انشاء اللہ بہت جلد یہاں سے علم کا ایک زبردست نور پھیلے گا جس کی شعائیں سارے عالم کو منور کردیں گی ۔ جامعہ مدنیہ جدید کے اُستاذ الحدیث حضرت مولانا محمد حسن صاحب مدظلہم اور مولانا اظہار الحق صاحب حج کی سعادت کے لیے حرمین شریفین تشریف لے گئے۔