ماہنامہ انوار مدینہ لاہور ستمبر 2017 |
اكستان |
 |
کوئی زنا کرے تو تم کو ناگوار نہیں گزرے گا ؟ اُس نے عرض کیا کیوں نہیں گزرے گاضرور گزرے گا ۔ اِس پر آپ نے فرمایا کہ پھر تم ہی بتائو کہ دوسروں کو اپنی مائوں کے ساتھ ایسا ہونا کیوں کر گوارا ہوگا ؟ اس کے بعد آپ نے فرمایا کہ اچھا تمہاری بیٹی کے ساتھ اگر کوئی ایسا فعل کرے تو کیا تم کو پسند ہے ؟ اُس نے جواب دیا کہ نہیں، آپ نے فرمایا کہ پھر دوسرے اپنی بیٹیوں کے ساتھ اس کو کیوں پسند کریں گے، یہاں تک کہ آپ نے بہن اور پھوپھی اور خالہ سب ہی کا نام لے کر دریافت فرمایا اور یوں ہی جواب دیتے رہے کہ پھر دوسرے لوگ اپنے رشتہ داروں کے ساتھ ایسی بے حیائی کیوں پسند کریں گے، آخر یہ عورت کہ جس سے زنا کیا جائے کسی کی ماں یا بیٹی یا پھوپھی یا خالہ تو ضرور ہو گی اور جب تمہیں اپنے رشتہ داروں میں سے کسی کے ساتھ بھی کسی کا زنا کرنا گوارا نہیں ہے تو دوسرے مسلمانوں کو اُن کے کسی رشتہ دار سے تمہارا زنا کرنا کیوں کر گوارا ہونے لگا ،اِس کے بعد دست مبارک اس کے سینے پر رکھا اور دعا کی کہ خداوند ! اس کا قلب پاک کر دے اور گناہ بخش دے اوراس کی شرم گاہ کی حفاظت فرما،اِس کے بعد ہم نے دیکھا کہ سب سے زیادہ ناپسندیدہ گناہ اُس کے نزدیک زنا ہی تھا۔ ایک مرتبہ مجمع میں حضرت فضیل سے شکایت کی گئی کہ حضرت سفیان بن عینیہ نے شاہی تحفہ قبول کر لیا، شیخ نے سن کر مجمع میں تو صرف یہ کہہ کر ٹال دیا کہ نہیں جی سفیان نے اپنا حق لیا ہوگا اور وہ بھی ناتمام مگر خلوت میں سفیان کو پاس بٹھا کر نہایت نرمی سے نصیحت کی اور فرمایا کہ اے ابوعلی ! ہم اور تم اگر بزرگ نہیں ہیں تو بزرگوں کے محب اور دوست رکھنے والے تو ضرور ہیں مطلب یہ کہ ہم لوگ چونکہ اس زمرہ میں شمار ہوتے ہیں اس لیے تم کو ایسے افعال سے بچنا چاہیے جن کو لوگ حجت پکڑیں اور بزرگوں کے نام پر عیب لگائیں۔فصل دوم ، واعظ کو عالم باعمل ہونا چاہیے مگر امر بالمعروف اِس کے بغیر بھی ضروری ہے : واعظ کو اوّل اپنی اصلاح کرنی چاہیے کیونکہ نصیحت کا اثر اُسی وقت ہوتا ہے جبکہ ناصح خود بھی باعمل ہو ورنہ لوگ ہنستے اور مذاق اُڑاتے ہیں ،ہاں یہ ضرور سمجھ لینا چاہیے کہ نصیحت کرنے کا جواز یا وجوب عامل ہونے پر موقوف نہیں ہے۔ (باقی صفحہ ٣٩ )