صاد صبر دے نال ہن بیٹھ بیبا کن کھول کے بات سن عاشقاں دی
اﷲ والیاں نبی دے تابعاندی مومن کاملاں لائقاں فائقاں دی
گواچی اپنی جاندے گل چنگی بھاویں گھیری ہوئی ہووے فاسقاندی
موسیٰ نبی یہودیاں من لیتا ایتھے ضد ہے خود نالائقاں دی
ضاد ضد جے کجھ تینوں مول نائیں نال عین انصاف پڑھ پھیر میاں
نفی قتل صلیب بل رفعہ اﷲ قرآن کھول کھاں کریں نہ دیر میاں
قتلوں سولیوں عیسیٰ بچا لیا اوپر چک لیا فضلوں گھیر میاں
پھر آوناں عیسیٰ دا گل سوہنی مومن جاندے ناں ول پھر میاں
طے طالباں صادقاں ردکیتا عیسیٰ مر گیا نیچری بولیا جاں
سولی چاہڑیا عیسیٰ یہودیاں نے اہدینال ایہ کفر بی تولیا جاں
خوب اٹھیا ساڑ مجددی دا گند نیچری دیں وچ گھولیا جاں
عیسیٰ ماردے مگر پیا مرزا ہتھ دین ایمان تھیں دھولیا جاں
ظے ظالم ایڈی ایڈی کوڑ وھڈے کدے چک تحریف قرآن مارے
کہے لیلتہ القدر ناں رات کوئی الف شہر دانواں ای گیان مارے
نبیاں پاس فرشتہ نہ کدے آوے جھوٹھا وحی خدائی دی شان مارے
سارے ملک تھاؤں تھائیں جڑے ہوئے عزرائیل اوتھے بیٹھا جان مارے
عین عجب غرور نے پٹ دتا کہیں ایہ امت ساری ہوئی انھی
متوفی آیا پہلوں رافعک دے اوتھے اپنے منوں ترتیب منی
ذبح بقر پہلوں پچھوں اذقتلتم کادیانیا کیہی ترتیب بھنی
نئیں واو ترتیب دے واسطے اویتیری لغو اے سب تقریر ظنی
غین غور دینال قرآن پڑھتوں قصے ناریاں تے جنت والیاندے
حشر نشر دے بعد اے نار جنت مگر لگ ناں نیچری چالیاندے
اﷲ وچہ قرآن ہے رد کردا تیری فتح توضیح از الیاندے
مردے سارنائیں دارالخلد ملدا پھٹ تیریاں جھوٹھ حوالیاندے