حامداً ومصلیاً
’’قالوا معذرۃ الیٰ ربکم ولعلہم یتقون (اعراف)‘‘ وہ بولے (ہم نصیحت کرتے ہیں) تمہارے رب کے سامنے عذر کرنے کے واسطے اور شاید وہ (بیفرمانی سے) بچ رہیں۔
ایہ عذر ہے اپنے رب اگے کسے نال جھگڑا نہیں جنگ نائیں
راہ کفر دلّوں بھلا بچے کوئی حق آکھنے تھیں دلاسنگ نائیں
ایہ بھی یاد رکھیں باجھوں سخت رگڑے کدی دور ہوندا ڈوہنگا زنگ نائیں
بھارے مسلہاں دیتاں باج سعدی جاندی دیردی بلغمی کھنگ نائیں
لا تبتغی الجہلین پڑھیں پیارے برا کہن تاں ہوئیں دل تنگ نائیں
حق اﷲ دے واسطے رہیں کہند اجرا اس بن کسے تھوں منگ نائیں
سچی گل ہے تلخ الحق مر شفا چاہئے تاں گھٹ چا بھرئیے
ہوے کوئی ناں غرض جے ناصحا ندی رد کرن تھیں اوس نوں بہت ڈریے
پیر ہوے یا سکے ماں باپ ہوون جھوٹھ وچ ناں کسے دا پاس کرئیے
طلب حق دی رکھئے وانگ سعدی مگر مومناں صادقاں لگ رہیئے
کھوہ وچ پیا مثیل مسیح محدث ولی مجدد
نبی بنے نوں کتھے پھوکن اہل حدیث مقلد
مرزائیو! اج حقو حق سنو انصاف کماؤ
مرزے نوں ناں احمد مرسل نبی رسول بناؤ
اہل اسلام نوں چھڈ کے مرزا تساں خلیل بنایا
پچھو تا سو دھوکا دیسی اوہ جد ویلا آیا
ربا عاجزی کریں قبول ساڈی لبھا کجھ ناں عجز سوا سانوں
توہیں آپ حکیم طبیب داتا ساڈے درد دی دئیں دوا سانوں
