ماہنامہ انوار مدینہ لاہور اکتوبر 2013 |
اكستان |
 |
یورپ کے مؤرخین راجر بیکن کو بارُود کا موجد قرار دیتے ہیں حالانکہ اُس نے بارُود سازی عربی کتاب اَلْنِیْرانُ الْمُحْرِقَہْ سے سیکھی تھی۔ (تمدن عرب) ''توپ'' : توپ اَفریقہ کے باشندے سردار یعقوب نے اِیجاد کی اَور ١٢٠٥ ء میں اِستعمال کی ۔راجر بیکن کو اِس کا موجد کہنا درست نہیں۔ عینک شیشہ،گھڑی اَور ہوائی مشین : اِسپین کے ایک مسلمان سائنسدان نے جس کا نام حکیم عباس تھا عینک کا شیشہ، گھڑی اَور ہوا میں اُڑنے والی مشین اِیجاد کی، یہ ہیلی کاپٹر یا ہوائی جہاز جیسی چیز ہوگی۔ ''مصنوعی چاند '' : ایک ترکستانی سائنسدان حکم بن ہاشم نے جو نخشب کا رہنے والا تھا اَور بغداد میں اُس نے سائنس کی تعلیم حاصل کی تھی ایک مصنوعی چاند بنایا تھا جس سے سو مربع میل علاقہ روشن ہوجاتا تھا اُس کی یہ اِیجاد '' مَہِ نخشب'' ١ کے نام سے معروف چلی آتی ہے۔ ''کیمسٹری'' اَور مسلمان : جَابِرْ بِنْ حَیَّانْ، علمِ کیمیا میں ایک کامیاب شخص تھا اُس نے قسم قسم کے تیزاب اِیجاد کیے، سونا بنانے کے اُصول بتلائے (یہ فن آج تک بھی ایسا ہے کہ اِس کے جاننے والے ایشیا میں اَب بھی مِل جاتے ہیں اَور سستی چیزوں سے قیمتی دھاتیں بنالیتے ہیں۔ اِس میں اَب تک بھی یورپین سائنسدان کامیاب نہیں ہوسکے) یہ شخص کثیر التصانیف بھی تھا اِس کی تصانیف کا یورپ میں ترجمہ کیا گیا ہے۔ ہارون الرشید نے ٧٦٨ء میں شارلیمان کو تحائف میں ایک گھڑی دی اُس میں سورج اَور چاند بنائے گئے تھے۔ ہر گھنٹہ پر ٹن، ٹن، یہ گھنٹی بھی بجاتی تھی۔ ١ نَخْشَبْ کا چاند