ماہنامہ انوار مدینہ لاہور مارچ 2013 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٢ فروری بروز ہفتہ بعد نمازِ عشاء شیخ الحدیث حضرت مولانا سیّد محمود میاں صاحب قاری محمد سعید اَسد صاحب کی دعوت پر گرین ٹاؤن کی جامع مسجد میں سیرت النبی کانفرنس میں شرکت کے لیے تشریف لے گئے جہاں آپ نے آپ ۖ کی سیرت ِمبارکہ پر بیان فرمایا۔ ٧ فروری کو بعد نمازِ ظہر شیخ الحدیث حضرت مولانا سیّد محمود میاں صاحب جامعہ جدید کے فاضل مولانا محمد عمیر خان صاحب کی خواہش پر ٨ فروری کو نمازِ جمعہ پڑھانے کے لیے روانہ ہوئے۔ حضرت صاحب کی ضلع جھنگ میں تشریف آوری پر جامعہ کے فاضل مولانا اَبو بکر صاحب نے بعد نمازِ عشاء مسجد حق چار یار میں بیان رکھوایا ۔حضرت صاحب نے دُنیا میں جنت اَور جہنم کے موضوع پر تفصیلی بیان فرمایا۔ رات کے کھانے کا اِہتمام بھائی وقاص صاحب کی قیامگاہ پر تھا۔ اَگلی صبح جمعہ کے لیے ڈال موڑ تشریف لے گئے جہاں حضرت کا قیام مولانا محمد عمیرصاحب کے گھر پررہا۔ شیخ الحدیث حضرت مولانا سیّد محمود میاں صاحب نے ڈال موڑ کی جامع مسجد میں اَخلاق کے موضوع پر بیان فرمایا۔ بعد اَز نمازِ جمعہ کچھ حضرات حضرت صاحب سے بیعت ہوئے۔لاہور میں حضرت صاحب کے رضاعی بھائی کی وفات کی اِطلاع ملی جس کی بناء پر باقی پروگراموں کو منسوخ کردیا گیا حضرت جی نے بھائی محمد عمیر صاحب کے والد صاحب اَور دُوسرے حضرات سے اِجازت چاہی اَور لاہور کے لیے روانہ ہوئے۔ رات دس بجے لاہور پہنچ کر پہلے حضرت صاحب اَپنے رضاعی بھائی حافظ محمد صدیق صاحب کی تعزیت کے لیے اُن کے گھر تشریف لے گئے بعد اَزاں گھر کے لیے روانہ ہوئے۔ رات بارہ بجے بخیریت گھر پہنچ گئے۔