ماہنامہ انوار مدینہ لاہور مارچ 2013 |
اكستان |
|
ماہنامہ اَنوارِاِسلام کا پیش ِ نظر شمارہ حیات ِ شاد نمبر ہے یہ خصوصی شمارہ اِمام النحو والصرف حضرت مولانا محمد اَشرف شاد صاحب رحمة اللہ علیہ کی حیات ِمبارکہ، آپ کے اَوصاف و اَخلاق اَور خدمات ِجلیلہ کے تذکرہ پر مشتمل ہے، اِس میں تفصیل کے ساتھ آپ کی وِلادت سے لے کر وفات تک کے حالات کو ذکر کیا گیا ہے، اِسی کے ساتھ بہت سے علمائِ کرام کے مضامین بھی شاملِ اِشاعت ہیں جو حضرت مولانا کی عقیدت و محبت میں تحریر کیے گئے ہیں، اِس لحاظ سے یہ شمارہ حضرت مولانا کے تلامذہ و متوسلین کے لیے خصوصًا اَور دیگر علماء و عوام کے لیے عمومًا بہت ہی قابل ِقدر چیز ہے۔ نام کتاب: میری امی جان حفصہ (منظوم) تالیف : اَنجم نیازی صاحب صفحات:٢٢٤ سائز :١٦/٣٦ x٢٣ ناشر:دارُ الامین، لاہور قیمت:١٠٠ زیر تبصرہ کتاب میں جناب اَنجم نیازی صاحب کے منظوم کلام کو جمع کیا گیا ہے جو آپ نے اُم المومنین حضرت حفصہ رضی اللہ تعالیٰ عنہا کی شان میں اَور منقبت میں کہا ہے، یہ ایک طویل کلام ہے جو مختلف قصیدوں کی شکل میں منظوم کیا گیا ہے ، شروع میں اُم المومنین کے حالات ِ زندگی دیے گئے ہیں اَور حمدو نعت اَور حضراتِ شیخین رضی اللہ عنہما کی منقبت بھی دَرج کی گئی ہے، کتاب اَپنے موضوع پر عمدہ ہے، حمدو نعت اَور منقبت کا ذوق رکھنے والوں کے لیے خاصے کی چیز ہے۔