ماہنامہ انوار مدینہ لاہور مارچ 2013 |
اكستان |
|
زیر نظر کتاب ''مجموعہ مقالات ِحامدیہ'' اِس سلسلہ کی پہلی کڑی ہے اِس میں حضرت سیّد صاحب کے چھ مضامین کو جمع کیا گیا ہے جو درجِ ذیل ہیں : (١) قرآنِ پاک (٢) قرآنِ پاک کا کلامِ اِلٰہی ہونا یہ اللہ کی صفت ہے اَور مخلوق نہیں ہے (٣) عظمت ِ قرآنِ کریم بزبان رسالت مآب ۖ (٤) قرآن و سنت اَور تواتر وتعامل (٥) قرآنِ پاک سے تعلق اَور اُس کی برکات (٦) قرآن کا پیغام ....... اَمن ِ عالم ۔ یہ تمام مضامین نہایت علمی اَور اِنتہائی وقیع ہیں جن سے صاحب ِمضامین کی علمیت کا اَندازہ کیا جا سکتا ہے۔ اِس مجموعہ کی کتابت و طباعت نہایت عمدہ اَور قیمت بہت مناسب ہے، صاحب ِ ذوق علماء و طلباء کو چاہیے کہ اِس قیمتی مجموعہ کی قدر کریں اَور کما حقہ اِس سے فائدہ اُٹھائیں ۔ نام کتاب:جرابوں پر مسح کا شرعی حکم تالیف :حضرت مولانا منیر اَحمد صاحب منور صفحات:١٧٦ سائز : ١٦/٣٦x٢٣ ناشر:اِتحاداہل ِسنت والجماعت قیمت:درج نہیں حضرت مولانا منیر اَحمد صاحب دامت برکاتہم جامعہ باب العلوم کہروڑ پکا کے اُستاذ الحدیث اَور اِتحادِ اہل سنت والجماعت کے اَمیر ہیں۔ اللہ تعالیٰ نے آپ کو احقاقِ حق واِبطالِ باطل کا خاص ذوق عطا فرمایا ہے، آپ کے قلمِ حقیقت رقم سے متعدد کتابیں اِس سلسلہ میں نکل کر قبولیت حاصل کر چکی ہیں۔ زیر نظر کتاب ''جرابوں پر مسح کا شرعی حکم'' آپ کی تازہ ترین تالیف ہے اِس میں آپ نے کتاب و سنت ،فتاوی مذاہب ِاَربعہ، فتاویٰ علماء ِعرب نیز غیر مقلدین حضرات کے اَکابر کے فتاوی سے ثابت کیا ہے کہ مروجہ نائلون اَور سوتی جرابوں پر مسح جائز نہیں اِن پر مسح کرنے سے وضو ء نہیں ہوتا، جب