Deobandi Books

اِس لیے (سمجھدار) مرد بھی مطالعہ کے لیے تنہائی کا گوشہ اِختیار کرتے ہیں۔ 
پس عورتوں کا پردہ میں رہنا تو علوم کے لیے معین (مددگار)ہے نہ کہ مانع ،نہ معلوم لوگوں کی عقلیں کیا ہوئیں جو پردہ کو تعلیم کے منافی (اَور نقصان دہ)سمجھتی ہیں۔(مظاہر الاعمال۔ اِصلاح المسلمین)
کیا پردہ عورت کے لیے قیدو ظلم ہے؟ 
آج کل ایسا مذاق بگڑ گیا ہے کہ کوئی پردہ کو خلافِ فطرت کہتا ہے، کوئی قید اَور حبس کہتا ہے۔ ایک مسلمان اِنجینئر سے ایک پادری اِنجینئر نے کہا کہ مسلمانوں کا مذہب بہت اچھا ہے اِس میں سب خوبیاں ہیں  سوائے اِس کے کہ عورتوں کو قید میں رکھا جاتا ہے۔ مسلمان اِنجینئر نے پادری اِنجینئر سے کہا کہاں؟ ہم نے تو کسی مسلمان عورت کو قید میں نہیں رکھا۔ اُس نے کہا وہی'' قید'' جس کا نام تم نے ''پردہ'' رکھا ہے۔ مسلمان اِنجینئر نے کہا کہ بتلائیے'' قید'' کس کو کہتے ہیں؟ حقیقت یہ ہے کہ قید خلافِ طبیعت کو کہتے ہیں اَور جو قید طبیعت کے خلاف نہ ہو اُس کو قید ہر گز نہیں کہیں گے ورنہ پاخانہ میں جو آدمی پردہ کر کے بیٹھا ہے اُس کو بھی قید کہنا چاہیے کیونکہ پاخانہ میں آدمی تمام آدمیوں کی نگاہوں سے چھپ جاتا ہے سب سے الگ ہوجاتا ہے مگر اِس کو کوئی قید نہیں کہتا کیونکہ یہ طبیعت کے خلاف نہیں بلکہ طبیعت کے موافق ہے۔ اِس لیے کوئی یہ نہیں کہتا کہ آج ہم اِتنی دیر قید میں رہے۔ اَور فرض کرو اگر اِسی پاخانہ میں کسی کو بلا ضرورت بند کردیا جائے کہ باہر سے زنجیرلگائیں اَور ایک پہرہ دَار کھڑا کر دیا جائے اَور اُس سے کہہ دیا جائے کہ خبردار یہ آدمی یہاں سے نہ نکلنے پائے تو اِس  صورت میں بے شک یہ حبس (قید) طبیعت کے خلاف ہوگا اَور اِس کو ضرور قید کہیں گے اَور اِس صورت میں بند کرنے والے پر بے جا قید کرنے کا مقدمہ قائم ہو سکتا ہے۔ 
بتائیے اِن دونوں صورتوں میں کیا فرق ہے؟ فرق صرف یہ ہے کہ پہلی صورت میں حبس (قید) طبیعت کے خلاف نہیں اَور دُوسری صورت میں حبس (قید) طبیعت کے خلاف ہے۔ پس ثابت ہوا کہ مطلق حبس (یعنی ہر پابندی اَور روکنے) کو قید نہیں کہہ سکتے بلکہ طبیعت کے خلاف حبس کو قید کہتے ہیں۔ پس پہلے آپ کو یہ تحقیق کرنے کی ضرورت ہے کہ مسلمان عورتیں جو پردہ میں رہتی ہیں وہ اُن کی طبیعت کے موافق ہے یا خلاف؟ اِس کے بعد یہ کہنے کا حق تھا کہ پردہ قید ہے یا نہیں۔ 
میں آپ کو مطلع کرتا ہوں کہ پردہ مسلمان عورتوں کی طبیعت کے خلاف نہیں ہے کیونکہ مسلمان عورت