ماہنامہ انوار مدینہ لاہور دسمبر 2011 |
اكستان |
رسول کریم علیہ الصلوة والتسلیم نے نہیں مجبور کیا کہ تم اِعلان کرو ہاں ایسے ہے کہ ایسی جگہ کی تلاش کہ جہاں ہجرت کرکے چلے جائیں اَور عبادت اَدا کر سکیں اَپنی پوری طرح بلا رُکاوٹ کے اُس کا حکم ملا ہے اللہ کی طرف سے کہ یہاں سے چلے جائیں اَور اِس طرح سے کہ اِس اِس علامت کی جگہ ہے وہ جہاں جانا ہے آپ نے وہ علامتیں دیکھی ہیں خواب میں اِرشاد فرمایا خواب بتلایا کہ تمہارا دارِ ہجرت مجھے دِکھایا گیا ہے اِس طرح سے .......... لَابَتَیْنِ ....... اوکما قال علیہ السلام کھجو ر ہے اَور دونوں طرف اُس کے پہاڑوں کے درمیان ہے پہاڑی علاقہ اِدھر بھی اِدھر بھی، پھر ایسے ہوتا ہے اللہ کی قدرت کہ اَنصار مسلمان ہونے شروع ہوگئے اَور اِن کا عجیب پس منظر ہے ۔ بنو اِسرائیل کی مختصر تاریخ : یہ سمجھیے کہ بنو اِسرائیل کو بڑا عروج حاصل ہوا بہت بڑی سلطنت حضرت سلیمان علیہ السلام بھی اِنہیں میں سے گزرے ہیں پوری دُنیا کی حکمرانی رہی ہے اِن کی لیکن (یہ بنی اِسرائیل)خدا کی نافرمانی میں مبتلاء بھی رہے ہیں،گرفت بھی ہوتی رہی اِنہوں نے جب بہت برے کام کیے اَور اللہ کا قاعدہ ہے اِذَآ اَرَدْنَآاَنْ نُّھْلِکَ قَرْیَةً اَمَرْنَا مُتْرَفِیْھَا فَفَسَقُوْا فِیْھَا فَحَقَّ عَلَیْہَا الْقَوْلُ فَدَمَّرْنٰھَا تَدْمِیْرًا جواُس میں متمول آرام سے زندگی گزار سکنے والے لوگ ہوتے ہیں اَمِرْنَا بھی پڑھا گیا ہے اُن کو ہم بڑھا دیتے ہیںاَور جب وہ بڑھ جاتے ہیں تو پھر فسق و فجور برے کاموں پر لگ جاتے ہیں فَحَقَّ عَلَیْہَا الْقَوْلُ وہ زیرِ دفعہ آجاتے ہیں اُن پہ دفعہ لاگو ہوجاتی ہے۔ اللہ کی بات اُن پر صادق آنے لگتی ہے فسق کی وجہ سے جزا کے مستحق ہونے کی بات فَدَمَّرْنٰھَا تَدْمِیْرًا اُسے بالکل تباہ کر ڈالتے ہیں ۔ بنی اِسرائیل پر اللہ کی پکڑ : تو یہ بنو اِسرائیل جو تھے برے کاموں میں جب لگے تو اِن کا ایک دُشمن پیدا ہو گیا بُخْتِ نُصَّرْ بہت زبردست آدمی تھا وہ آیا اَور اُس نے بہت خون ریزی کی اِن کے تمام خاندان تمام آبادیوں کی آبادیاں بھاگ کھڑی ہوئیں گھر چھوڑ دیے تو کچھ تو خیبر میں آکر آباد ہوئے اَور کچھ مدینہ منورہ میں آباد ہوگئے بنوقریظہ، بنونضیر، بنو قینقاع یہ لوگ جو تھے یہ وہی تھے ۔