ماہنامہ انوار مدینہ لاہور نومبر 2006 |
اكستان |
 |
رحلت ِ اسعد میاں پر سارا عالم اشکبار بروفات حسرت آیات امیر الہند فدائے ملت جانشین شیخ الاسلام حضرت مولانا سید اسعد صاحب مدنی صدر جمعیت علمائے ہند متوفٰی : ٧ محرم الحرام ١٤٢٧ھ دو شنبہ بمطابق ٦ فروری ٢٠٠٦ ء شام ٦ بجے کاوش ِفکر وقلم : محمد قاسم لوہاروی ،مدرس جامعہ مظاہر العلوم وقف سہارنپور ،انڈیا رحلتِ اسعد میاں پر سارا عالم اشکبار آسماں پُرنم ہے ذرے رو رہے ہیں زار زار شامِ دوشنبہ بوقت چھ بجے آئی خبر سوئے عقبیٰ ہوگیا دُنیا سے حضرت کا سفر تھی محرم سات اور چودہ سو ستائیس سَن چُھپ گیا روشنی پھیلا کے وہ بدرِ زَمَنْ آہ ساقی ہوگیا میخانہ ویراں تیرے بعد کس کو ڈھونڈیں گے یہ انساں غم کے مارے تیرے بعد کس کے دَر پر جائے گا سیلابِ انساں تیرے بعد مدتوں روتے رہیں گے اہلِ ایماں تیرے بعد علم کا کوہِ گراں اور زہد و تقوٰی لاجواب چہرۂ انور تھا گویا بدرِ کامل ماہتاب قوم و ملت کا مجاہد جیسے شمعِ آفتاب کر گیا شیریں بیاں سے ساری اُمت فیضیاب