ماہنامہ انوار مدینہ لاہور نومبر 2006 |
اكستان |
 |
ہم کیا ہیں ؟ آپ کو معلوم ہے کہ ہم ہیں کیا ؟اِس پر کبھی غور کریں آپ کہ میری اور آپ کی یا ہم سب کی حیثیت کیا ہے؟ آپ نے سنا ہوگا کہ بعض چیزیں ایسی ہیں بعض ایسی مخلوق اللہ کی ہے کہ جسے خورد بین سے دیکھنا پڑتا ہے، اور ایسی خورد بین سے دیکھنا پڑتا ہے کہ وہ اُس چیز کو کئی لاکھ گنا بڑا کرکر دکھادیتی ہے، بلکہ بعض ایسی خورد بین ہوتی ہیں جو اُس چیز کو کئی کروڑ گنا بڑا کر کر اُن کو دکھاتی ہیں تب وہ چیز نظر آتی ہے ورنہ وہ نظر ہی نہیں آتی۔ اس کا مطلب ہے کہ خورد بین نہ ہو ہم سمجھیں گے کہ ہے ہی نہیں، معدوم ہیں۔ یہ ہمارے پیروںکے نیچے بھی آرہی ہو گی اُوپر بھی ہوگی یہاں بھی ہوگی اِدھر بھی ہوگی۔ اب ایسے ذرے کو کوئی حیثیت آپ دیتے ہیں کوئی قدر وقیمت ہے بتلائیے؟ کوئی قدر نہیں۔ اب میں آپ کو بتلائوں کہ یہ جو ہمارا نظام ِشمسی ہے ،سورج اور چاند اس میں ہیں۔ ایک کہکشاں ہوتی ہے وہ اِس سے بھی بڑی ہوتی ہے۔ اُن کہکشائوں میں نظام شمسی جیسے کروڑوں نظام ہوتے ہیں ۔ کرہ ارض کو دیکھیں کتنا بڑا ہے کہ صرف پاکستان کا ہی چکر لگانا پڑجائے تو صحراء دیکھ کر چکرا جاتے ہیں ،بلوچستان کو دیکھیں جاکر سب سے بڑا صوبہ ہے پاکستان کا رقبہ کے اعتبار سے ،طے ہی نہیں ہوگا تھک جائیں گے سفر کرتے کرتے، پھر پاکستان اُس سے بھی بڑا ہے۔ اور ملک لے لیں ہندوستان تو یہ اور بھی بڑا ہے۔تو اتنا بڑا ہے یہ کرۂ ارض،اس کرۂ ارض پر میری اور آپ کی کیا حیثیت ہے۔ فرض کریں کرۂ ارض پر سب ختم ہو جائیں صرف ایک آدمی میں یا آپ میں سے کوئی ایک رہ جائے تو نظر ہی نہیں آئے گا بالکل پتا ہی نہیں چلے گا یہ ہے یا نہیں، تصویر بھی لے لیں اُوپر سے تب بھی نظر ہی نہیں آئے گا کہ یہ ہے یا نہیں۔ اَب یہ کرۂ ارض جس کو ہم اتنا بڑا سمجھتے ہیں نظام شمسی میں جس میں سورج اور سورج کے گرد جو دس گیارہ بارہ ستارے گھوم رہے ہیں اُن میں اس کرۂ ارض کا پتا نہیں چلتا۔ پھر کہکشاں جو ہے اُس کہکشاں کے اندر اِس پورے نظام شمسی کا پتا نہیں چلتا۔ سائنس دان جب کیمرے سے تصویر لیتے ہیں کہکشاں کی جس کو گلیکسی کہیں گے آپ، گلیکسی کی تصویر لیتے ہیں تو اُس میں پورا نظام شمسی نظر نہیں آتا گم ہوجاتا ہے، کتابوں میں بتلاتے ہیں کہ اِس جگہ میں کہیں ہے پتا نہیں چل رہا۔ توگویا اِس پورے نظام شمسی کو اُس میں دیکھنے کے لیے آپ کو خورد بین کی ضرورت پڑے گی جو اِس کو بڑا کرکر دکھائے تو نظام شمسی نظر آئے گا اب آپ بتائیے کہ اس نظام شمسی میں جو پورا خورد بین سے نظر آئے گا اُس میں ہماری اور