ماہنامہ انوار مدینہ لاہور اپریل 2004 |
اكستان |
 |
سلسلہ نمبر٦ قسط : ٤ ''الحامد ٹرسٹ''نزد جامعہ مدنیہ جدید رائے ونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر ان کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں ۔(ادارہ) مہتمم اول دارالعلوم دیوبند جناب حضرت مولانا حاجی سیّد محمد عابد صاحب قدس اللہ سرہ ورفع درجاتہ ( نظر ثانی و عنوانات : مولانا سےّد محمود میاں صاحب ) تذکرة العابدین ١ میں ہے : ''سات سال کی عمر میں قرآن پاک پڑھا پھر فارسی پڑھنی شروع کی ۔بارہ سال کی عمر تھی کہ مولانا ولایت علی صاحب دیوبند تشریف لائے ۔ حاجی صاحب نے اُن سے بیعت کی ،نماز پنجگانہ اور تہجد کا اُسی روز سے شوق ہوا کہ کبھی قضا نہ ہونے پائی ۔جب مولوی ولایت علی صاحب سہارنپور گئے آپ بھی ان کے ہمراہ گئے مگر بڑے بھائی آپ کے اگلے روز جا کراور مولوی صاحب سے کہہ کر لوٹالائے۔ حاجی صاحب کو ازحد رنج ہوا ''۔ (ج ١ ص ٦٢) ١ تذکرة العابدین مصنفہ مولانا نذیر احمد صاحب عثمانی دیوبندی ۔ مطبوعہ دلی پرنٹنگ ورکس دہلی ١٣٣٣ھ ۔ مولانا نذیراحمد صاحب کو حاجی محمد عابد صاحب رحمة اللہ علیہماسے خلافت حاصل تھی ۔انھوں نے اپنے مرشد کے علاوہ سلاسل اربعہ معروفہ وغیرہا کے مشائخ کے حالات بھی لکھے ہیں ۔یہ کتاب چا ر جلدوں میں ہے۔ ان کی وفات ١٣٥٨ھ/١٩٣٧ء میں ہوئی ۔تاریخ دیوبند میں دیوبند کے خاندانِ عثمانی کے حالات میں آپ کا ذکر ص٨١ پر ہے۔ مولانا نذیر صاحب نے اپنی اس کتاب تذکرة العابدین کی وجہ تالیف کتاب کے ابتداء میں حمدوثناء ودعاء پر مشتمل نظم میں لکھی ہے اس کے چوالیس اشعار ہیں ۔وجہ تالیف کے یہ ہیں : (باقی حاشیہ اگلے صفحہ پر )