ماہنامہ انوار مدینہ لاہور اپریل 2004 |
اكستان |
|
اخبار الجامعہ جامعہ مدنیہ جدید محمد آباد رائیو نڈ روڈ لاہور ٢٩ فروری کو جناب عبدالرشید صاحب لکی مروت سے بعد مغرب جامعہ مدنیہ جدیدتشریف لائے بعد مغرب مجلس ِذکر اور درسِ حدیث میں شرکت کی اور عشاء کے بعد واپس تشریف لے گئے۔ ٧ مارچ کو سیّد دلاور علی شاہ صاحب دوپہر کو مع اپنے چند احباب کے تشریف لائے جامعہ کی تعمیراتی اور تعلیمی مراحل کو دیکھ کر خوشی اور مسرت کا اظہار کیا اور ''گھابہ فیملی'' کے احباب کے ہمراہ حضرت مہتمم صاحب سے ملاقات کی ۔ ١٤مارچ کو عصر کے وقت جناب ڈاکٹر سیّد افتخارالدین صاحب ،ڈاکٹر نعیم الدین صاحب،شارق عثمانی صاحب اورسیّد فریداحمد صاحب جامعہ مدنیہ جدید تشریف لائے ،جامعہ کی تعمیر ی اور تعلیمی خدمات پر خوشی اور اطمینان کا اظہار کیا۔ ٢٢ مارچ کو جناب قاری شریف احمدصاحب مدظلہم جامعہ مدنیہ جدید تشریف لائے اور طلبہ سے خطاب فرمایا اور جامعہ کی تعمیر ی اور تعلیمی ترقی دیکھ کر پُر مسرت جذبات کا اظہار کیا، اس موقع پر مولانا سیّد مسعود میاں صاحب بھی موجود تھے۔ ٢٣ مارچ کو سوات صوبہ سرحد سے جمعیت کے سنیٹر مولانا فرحت اللہ صاحب جامعہ جدید تشریف لائے اور اس موقع پر طلباء سے خطاب بھی فرمایا۔ ٭٭٭ جامعہ مدنیہ جدید کے فوری توجہ طلب ترجیحی اُمور (١) مسجد حامد کی تکمیل (٢) طلباء کے لیے دارالاقامہ (ہوسٹل) اور درسگاہیں (٣) کتب خانہ اور کتابیں (٤) پانی کی ٹنکی ثواب جاریہ کے لیے سبقت لینے والوں کے لیے زیادہ اجر ہے (ادارہ) ٭٭٭