ماہنامہ انوار مدینہ لاہور اپریل 2003 |
اكستان |
|
سلسلہ نمبر٢ قسط نمبر٣ ''الحامد ٹرسٹ''نزد جامعہ مدنیہ جدید رائے ونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمہ اللہ تعالیٰ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر ان کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرائد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں ۔(ادارہ) شیخ العرب والعجم حضرت مولاناسید حُسین احمد مدنی رحمة اللہ علیہ نظر ثانی و عنوانات : مولانا سےّد محمود میاں صاحب رویائے صالحہ وکرامات : ارشاد رسول ''ذھبت النبوة و بقیت المبشرات '' رویائے صالحہ کی عظمت واہمیت کا واضح ثبوت ہے خصوصاً جبکہ ان کا تعلق ذات ِنبوی علیہ الصلوة والسلام سے ہو ۔مندرجہ بالا عنوان کے تحت حضرت شیخ رحمة اللہ علیہ کے ان رویائے صالحہ کو یک جا کردیا گیا ہے جن کا تذکرہ آپ نے اپنی خود نوشت سوانح ''نقشِ حیات '' میں فرمایا ہے۔ حضرت شیخ الاسلام رحمة اللہ علیہ ''نقشِ حیات''میں تحریر فرماتے ہیں : (١)مکہ معظمہ سے روانہ ہونے کے بعد چو تھے روز جب قضیمہ سے رابغ کو قافلہ جا رہا تھا رات کو اُونٹ پر سوتے ہوئے خواب میں دیکھا کہ جناب سرورِکائنات علیہ الصلٰوة والسلام تشریف لائے ہیں ۔میں قدموں پر گر گیا ۔آپ نے میرا سر اُٹھاکر فرمایا ''کیا مانگتاہے ''۔میں نے عرض کیا ''جو کتابیں پڑھ چکاہوں وہ یاد ہوجائیں او ر جو نہیں پڑھی ہیں ان کو سمجھنے کی قوت ہوجائے '' تو فرمایا ''تجھ کو دیا''۔ ایک دوسرے مقام پر رقمطراز ہیں : بہر حال مدینہ منورہ زادہااللہ شرفاًمیں سلسلہ رویائے صالحہ وغیرہ بکثر ت جاری رہا مگر اس وقت لکھنے اورضبط کرنے کا خیال نہیں ہوا،خواب میں جناب رسول اللہ صلی اللہ علیہ وسلم صحا بۂ کرام اولیاء عظائم ائمہ فخام او ر جناب باری عزاسمہ کو