ماہنامہ انوار مدینہ لاہور اپریل 2003 |
اكستان |
|
یہ امر حیران کن ہے کہ یورپ کے ابتدائی ازمنہ وسطیٰ میں برلام اور یوسیفات کے افسانوی کردار بار بار یونانی، لاطینی ،پراونسی ،اطالوی ،ولندیزی،قطلانی ،ہسپانوی ،انگریزی او رجرمنی زبانوں میں سامنے آتے ہیں ۔یہ کہانی مشرق وسطیٰ ،عیسائی شمالی افریقہ اور روس کے صوبے جارجیا میں زبان زدعام رہی ہے اس کے عیسائی پس منظر سے حبشی ،آرمینی، کلیسائی ،سلووینی او ررومانیائی تراجم کے ساتھ اور غیر عیسائی تراجم عربی اور عبرانی میں بھی تھے ۔کیا وجہ ہے کہ یہ قصہ اور اس کے ادبی تراجم اتنے مقبول ہیں ؟ اس کی وجہ یہ ہے کہ یہ ناول یا رومانی تحریر شروع سے ہی ناصحانہ او ر تفریحی شعری شکل میں تھی جس میں پنہاں بدیشی مذہب میںتبلیغ تھی ۔یہ ایک پر خیال مہم جو یا نہ کہانی تھی اور ایک تبدیلی مذہب کی داستان جو ہمیشہ کے لیے روحانی استفادے ،رنگینی ،تجسس ،جوش اور دلچسپ قصے کی خصوصیات سے بھر پور ہوتی ہے ۔ا س وسیع و عریض بیان کی ساخت ایسی تھی جس میں اضافہ وتفریق ،فلسفیانہ مباحثہ ،مذہبی پندو نصائح اور شاعرانہ عمدگی ، کہاوتی اشعار،تشبیہات اور تماثیل موجود تھیں ۔اس نے قرون وسطیٰ کے تمام طبقات کو چاہے زیادہ پڑھے لکھے ہوں یا کم پڑھے لکھے یکساں طور پر سامان تفریح مہیا کیا ۔برلام او ر یوزآسف کی کہانی دنیائے ادب کے ایک اعلیٰ نمونے کی حیثیت اختیار کرچکی ہے۔ ١٦ ڈی ایم لانگ نے اپنی کتاب ''بلوہر کی دانش بدھا کی ایک عیسائی داستان ''میں لکھا ہے کہ یوز آسف کی ساری احمد یہ کہانی کی بنیاد برلام اور یوسفات کے قصے پر مبنی ہے جو عربی ترجمہ سے ماخوذ ہے اور بدھ کی داستان ہے۔ ١٧ (جاری ہے) ٭بقیہ : مولانا حسین احمد مدنی اس جلسہ کی صدارت کون صاحب فرمائیں گے : مفتی عزیز الرحمن صاحب بجنوری انفاس قدسیہ میں تحریر فرماتے ہیں :( حضرت کے ) وصال سے کچھ عرصہ قبل راقم الحروف نے خواب دیکھا کہ مدینہ منورہ حاضرہوں حضور ا قدس ۖ کے مزار مقدس کے قریب ایک تخت بچھا ہوا ہے اور اس کے گرد بہت سے اولیاء اللہ موجود ہیں کچھ بیٹھے ہوئے ہیں اور کچھ کھڑے ہیں جیسے کسی کے منتظر ہوں ۔میںنے ان میں سے کسی صاحب سے دریافت کیا کہ اس جلسہ کی صدارت کون صاحب فرمائیں گے ؟تو مجمع ہی میں سے کوئی صاحب بولے کہ مولانا حسین احمد صاحب مدنی اس جلسہ کی صدارت فرمائیں گے ان ہی کا انتظار ہے۔ (جاری ہے) ٭ ١٦ سیگفرائیڈ ۔اے۔ شلز ''دو عیسائی اولیا ء ؟ ''ہندوستانی بین الاقوامی مرکز سہ ماہی ۔جلد نمبر٨ ،شمارہ نمبر ٢۔١٩٨١ئ ١٧ ڈاکٹر ڈیوڈ مارشل ینگ ''بلوھر کی دانش ۔بدھا کی ایک عیسائی داستان ''لندن ١٩٥٧ء ۔صفحہ نمبر ١٢٩ ۔(مزید دیکھئے ''ریوو آف ریلجنز'' ربوہ فروری ١٩٧٨ء ۔کرٹ برنا کا لکھا ہوا مضمون)